QR Joǵary Sotynyń Qylmystyq ister jónindegi sot alqasynyń tóraǵasy Nazgúl Rahmetýllına Jambyl oblysynyń burynǵy ákimi jáne «Qazseldenqorǵaý» uıymynyń basshysy Kárim Kókirekbaevtyń aqtalýyna baılanysty pikir bildirdi, dep habarlaıdy Adyrna.kz ulttyq portaly.
7 maýsym kúni Almaty oblysynyń qylmystyq ister jónindegi mamandandyrylǵan aýdanaralyq soty QR TJM aýmaqtyq bólimshesiniń laýazymdy tulǵalaryna qatysty qylmystyq isti qarap, asa iri kólemde para aldy delingen Kárim Kókirekbaevty aqtaǵan bolatyn.
Nazgúl Máýilhanqyzy eks-ákimge shyqqan úkim áli kúshine enbegenin málimdedi.
“Ózderińizde bilesizder isti men qaramaǵandyqtan naqty mán-jaıyn aıta almaımyn. Ol alqabılerdiń qatysýymen qaralǵan. Alqabıler osyndaı sheshimge keldi. Meniń bilýimshe qazirgi tańda is boıynsha prokýrordyń aryzy tústi. Endi appelıaııalyq satyda is qaralady. Bul týraly sot aqparat taratatyn bolady.
Qazirgi tańda alqabıler sheshimi zańdyq kúshine engen joq. Sondyqtan ol zańdy ma, joq pa, negizsiz ba aıtýǵa quqyly emespin” - dedi ol.
Esterińizde bolsa, 2022 jyldyń jeltoqsan aıynda Sybaılas jemqorlyqqa qarsy qyzmet TJM «Qazseldenqorǵaý» MM dırektory Kárim Kókirekbaevtyń para alý kezinde ustalǵan bolatyn. Al 7 maýsym kúni Almaty oblysynyń qylmystyq ister jónindegi mamandandyrylǵan aýdanaralyq soty QR TJM aýmaqtyq bólimshesiniń laýazymdy tulǵalaryna qatysty qylmystyq isti qarap, asa iri kólemde para aldy delingen Kárim Kókirekbaevty aqtady.
