Búgin Úkimet otyrysynda baılanys sapasyn jaqsartý máselesi qaraldy, dep habarlaıdy "Adyrna" tilshisi.
Úkimet otyrysynda baılanys sapasynyń nasharlyǵyna baılanysty Aqtóbe oblysynyń ákimi Ashat Shaharov 35 sekýnd boıy bılikpen baılanysa almady. Úkimet basshysy baılanysqa qatysty ákimge shaǵym jasady.
«Aldymyzda respýblıkalyq jáne oblystyq joldardyń boıyn baılanyspen qamtamasyz etý mindeti tur. Bul rette atalǵan jumys Aqtóbe, Atyraý oblystarynda nashar qarqynmen júrip jatyr. Osy óńirlerdi tyńdaımyz. Aqtóbe oblysy, Ashat Berleshuly sizderde baılanys dińgekterin ornatýǵa arnalǵan jobalyq qujattamany ázirleý qarqyny tómen. Ne deısiz?», — dep suraǵan edi Úkimet basshysy Oljas Bektenov óńir ákimi Ashat Shaharovtan.
Biraq oblys ákimi jınalysqa keshigip kelgen.
«Baılanys sapasy týraly áńgime qozǵap jatyrmyz, ózimizde baılanys joq», — dep keıidi Úkimet basshysy.
Aqtóbe ákimi keshirim surap, Úkimet basshysyna jaýap berdi.
«Tamyz aıynda memlekettik saraptamadan ótkizip, barlyq tehnıkalyq qujattamany qalyptastyrýdy aıaqtaımyz. Kelesi jyldyń 1-jartyjyldyǵynda qurylys-montaj jumystaryn aıaqtap, paıdalanýǵa berýdi josparlap otyrmyz. Munan bólek, bıyl jergilikti bıýdjet esebinen 67,3 mln teńge bólinip, baılanys operatorlarymen 70 shaqyrymǵa jýyq respýblıkalyq jol mobıldi baılanyspen qamtylady. Jobalardy iske asyrý turaqty baqylaýda», — dedi ol.
