Qaraǵandy oblysyna qarasty Saran qalasynyń memlekettik aktıvter jáne satyp alý bólimi jańa jyldyq shyrshany ornatýǵa 29 464 285 teńge qarjy bóldi, - dep habarlaıdy Adyrna ulttyq portaly https://satypalu.gov.kz/kz saıtyna silteme jasap.
Jańa jyl merekesine deıin áli alty aı ýaqyt bar. Soǵan qaramastan sarandyq sheneýnikter alty aı buryn bilek sybanyp, 30 mıllıon teńgege jýyq qarjy bólip, jańa jylǵa daıyndala bastaǵan.
Osy aptada Saran qalasynyń memlekettik aktıvter jáne satyp alý bólimi «Merekege arnalǵan qalany bezendirý qyzmetteri» degen ataýmen ashyq konkýrs tásilimen tender jarııalady.
Tenderge qujattar qabyldaý 25 maýsymda bastalyp, jeńimpaz 7 shilde kúni anyqtalady.
Memlekettik satyp alý jeńimpazy qala ortalyǵyna bıiktigi 12 metr bolatyn bir shyrsha ornatýy kerek. Sonymen qatar, Suńqar stadıonynyń alańyna Jańa jyl taqyrybyna arnalǵan fotoaımaqty daıyndap, túrli jaryqtardy ornatady. Tenderdi jarııalaýshylar alańǵa boıy 5 metr bolatyn Aıaz ata men Aqshahar qoıýdy da umytpaǵan.
Shilińshir shildede jańa jyldy merekeleýge daıyndyqty bastaý ne úshin qajet? Bul suraqty tıisti mekemege joldadyq. Jaýap kelip jatsa, ony da jarııalaıtyn bolamyz!
Qanat Birlikuly
Adyrna ulttyq portaly
