Soltústikte kisi óltirip, qaraqshylyq jasaǵan jasóspirimder ustaldy, dep habarlaıdy "Adyrna" ulttyq portaly Massaget.kz-ke siltep.
Sottalýshylardy alqabıler aqtady. Joǵarǵy sot málimetinshe, aıyptalýshy jábirlenýshiniń úıiniń aýlasyna kirip, ony óltirip, 150 myń teńgesin urlap ketken. Eki aıdan keıin aıyptalýshylardyń biri ájesiniń, odan keıin dosynyń 2 mln teńgeden astam aqshasyn urlap alǵan.
"Tonaý jáne kisi óltirý boıynsha aıyptalýshylar kinásiz dep tanylyp, kinálary dáleldenbegendikten aqtaldy. Olardyń biri bótenniń múlkin urlaǵany úshin kináli dep tanyldy. Onyń kinási moıyndaýlarymen, jábirlenýshilerdiń, kýálardyń aıǵaqtarymen jáne qylmystyq is materıaldarymen dáleldendi", - delingen sot málimetinde.
Aıyptalýshy jasóspirimniń kámeletke tolmaǵandyǵy, kinásin ishinara moıyndaýy jáne 3-toptaǵy múgedektigi barlyǵy atalyp, jazasy jeńildetilgen. Aıyptalýshy 2 jylǵa bas bostandyǵynan aıyrý jazasyna kesildi. Úkim zańdy kúshine engen joq.
