Ulttyq qaýipsizdik qyzmeti tóraǵasynyń burynǵy orynbasary Samat Ábishtiń 8 jylǵa shartty túrde sottalýy qanshalyqty zańdy? Bul suraqqa joǵarǵy sottyń qylmystyq ister jónindegi sot alqasynyń tóraǵasy Nazgúl Rahmetýllına jaýap berdi, dep habarlaıdy “Adyrna” ulttyq portaly.
Rahmetýllınanyń aıtýynsha, mundaı jaǵdaılarda shartty túrde sottaý jıi kezdesedi.
"Shartty jaza jıi qoldanylady. Ol asa aýyr qylmystar úshin qoldanylmaıdy, eger jazalaý merzimi 12 jyldan asqan bolsa, sybaılas jemqorlyq qylmystary úshin qoldanylmaıdy. Ol adamnyń buryn sottalǵan-sotylmaǵany, minezdemesi, qylmys jasaý kezinde keltirilgen zalaldy ótegen-ótemegeni eskeriledi. Shartty jaza jıi qoldanylady, naqty ıfrlardy qazir aıta almaımyn", - dedi sot alqasynyń tóraıymy Parlament kýlýarynda.
Sondaı-aq, ol Qylmystyq kodekstiń 63-babynda shartty túrde jaza qoldanylmaıtyn qylmystardyń tizimi bar ekenin aıtty.
"Tyıym salynbaǵan jaǵdaıda, shartty túrde jaza qoldanýǵa negiz bar ma, joq pa, sot jeke-jeke sheshim qabyldaıdy", - dedi alqa basshysy.
