Marqum Saltanat Núkenovanyń aǵasy Aıtbek Amangeldi 24 saǵat ishinde saıasatker, Qazaqstan halyqtyq partııasynyń tóraǵasy Ermuhamet Ertisbaevtan keshirim suraýyn talap etti, dep habarlaıdy «Adyrna» tilshisi.
«Sizder úshin sensaııa emes shyǵar, biraq Ertisbaev - ótirikshi. Maǵan qatysty jalǵan aqparat taratqanym úshin qylmystyq is qozǵalǵany týraly málimdemesin kórgen bolarsyzdar.
Men IIM-ge jáne Bas prokýratýranyń Quqyqtyq statıstıka jáne arnaıy esepke alý komıtetiniń Astana qalasy boıynsha departamentine sotqa deıingi tirkelgen materıaldar, maǵan qarsy qoldanystaǵy ótinishter týraly aqparat berý týraly suraý tastadym. Jalpy bul is boıynsha proessýaldy mártebe bar-joǵyn bilgim keldi. 10 maýsymda «arnaıy esepke alý» avtomattandyrylǵan aqparattyq júıesiniń derekterine sáıkes maǵan qatysty atalǵan sıpattaǵy aqparat joq ekendigi týraly aqparat aldym. Eger Ertisbaevtyń aıtqany ras bolsa, meni kem degende jaýap alýǵa shaqyrtar edi»,—dedi ol.
Aıtbek Amangeldi eks-mınıstrden jalǵan aqparat taratqany úshin resmı túrde keshirim suraýyn talap etti.
Ertisbaevtan jalǵan derekti taratqany úshin jarııa túrde ony teriske shyǵarýdy jáne keshirim suraýdy talap etemin. Eger olaı jasamasa, onyń is-áreketterine qatysty ar-namys pen qadir-qasıetti qorǵaý týraly talap aryz jiberiledi. Sonymen qatar polıııaǵa QR QK 274-baby boıynsha aryz jazyp, moraldyq zııandy óteýdi talap etemin. Ertisbaevtan 24 saǵattyń ishinde jaýap kútemin»,—dedi ol.
Eske salaıyq, buǵan deıin Ermuhamet Ertisbaev Aıtbek Amangeldiniń ústinen qylmystyq is qozǵalǵanyn aıtqan edi.
