Qostanaida qūqyq qorǧau organy qyzmetkerıne şabuyl jasaǧan küdıktılerdıŋ keşırım sūraǧan videosy jariialandy, dep habarlaidy "Adyrna" ūlttyq portaly.
Oqiǧa qoǧamda ülken rezonans tudyryp, äleumettık jelılerde qyzu talqylandy.
Būǧan deiın taraǧan beinejazbada qyzmetten tys uaqytta balalarymen bırge jürgen poliseidıŋ qoǧamdyq tärtıptı būzǧan üş er adamǧa eskertu jasaǧany baiqalady. Alaida eskertuge aşulanǧan azamattar tärtıp saqşysyna tap berıp, oǧan küş qoldanǧan.
Qostanai oblystyq polisiia departamentı küdıktılerdıŋ ūstalu sätınen kadrlardy jariialady. Videoda olar öz äreketterıne ökınış bıldırıp, tek zardap şekken poliseiden ǧana emes, barlyq qūqyq qorǧau qyzmetkerlerınen keşırım sūraidy.
«Qatelıgımdı moiyndaimyn, ökınemın. Barlyq polisiia qyzmetkerlerınen keşırım sūraimyn. Mūndai äreket endı qaitalanbaidy», – deidı ūstalǧandardyŋ bırı.
Belgılı bolǧandai, bastapqyda küdıktılerge qatysty qamauǧa alu şarasy bırden qoldanylmaǧan. Alaida ıs «bilık ökılıne qatysty küş qoldanu» baby boiynşa qaita saralanǧannan keiın, olar tergeu izoliatoryna qamaldy.
Qostanai oblysy prokuraturasynyŋ mälımetınşe, qylmystyq ıs QR Qylmystyq kodeksınıŋ 380-baby 6-bölıgı 4-tarmaǧy boiynşa tergelıp jatyr. Būl bap boiynşa 10 jyldan 15 jylǧa deiın bas bostandyǧynan aiyru jazasy qarastyrylǧan. Sot küdıktılerge qatysty ekı ai merzımge qamauda ūstau türındegı būltartpau şarasyn sanksiialady.
