Shyǵys Qazaqstanda eki turǵyn bılikti basyp alý jáne separatıstik áreketterdi nasıhattaǵany úshin 5 jylǵa sottalǵan, dep habarlaıdy "Adyrna" ulttyq portaly Tengrinews.kz tilshisine siltep.
Oblystyq prokýratýranyń málimetinshe, №2 sotynyń sheshimimen Shyǵys Qazaqstan oblysynyń eki turǵyny ulttyq jáne áleýmettik arazdyqty qozdyratyn jarııalanymdar men úgit-nasıhattary úshin sottalǵan.
"Tergeý barysynda atalmysh tulǵalar 2024 jyldyń aqpanynda ınternet-resýrstardy (chat-rýletka) paıdalanyp, Shyǵys Qazaqstan oblysyn Qazaqstan Respýblıkasynan bólý maqsatynda referendým ótkizý qajet ekeni týraly senimderi men ıdeıalaryn bildirgeni belgili boldy.
Referendýmda oń nátıjege qoljetkizilmegen jaǵdaıda oblysty kúshtep basyp alýdy nasıhattaǵan. Aıyptalýshylar óz kinálaryn tolyq moıyndap, ókinish bildirdi", - delingen prrokýratýra habarlamasynda.
