Foto: Global Look Press/IMAGO/Iranian Leader Press Offic
İrannyŋ dıni köşbasşysy, aiatolla Äli Hamenei eldı şarpyǧan narazylyqtarǧa bailanysty jasaǧan mälımdemesınde būl oqiǧalarǧa İzrail men AQŞ-ty kınälap, prezidentı Donald Trampty tıkelei aiyptady. Sondai-aq Hamenei alǧaş ret narazylyqtar kezınde "bırneşe myŋ" adamnyŋ qaza tapqanyn aşyq türde moiyndady.
Äli Hamenei bükıl el aumaǧyn qamtyǧan soŋǧy narazylyqtar barysynda myŋdaǧan adam ömırınen aiyrylǧanyn alǧaş ret köpşılık aldynda rastady. Tegeranda halyqqa jasaǧan ündeuı kezınde aitylǧan būl mälımdeme osy uaqytqa deiın İran basşylyǧy qoldanyp kelgen ritorikadaǧy maŋyzdy betbūrys retınde baǧalandy. Hamenei qaza bolǧandarǧa İzrail men AQŞ-ty kınälı dep körsettı.
Öz sözınde Hamenei narazylyqtardy «bülık» dep atap, İzrail men AQŞ-pen bailanysty toptar būl oqiǧalardy arandatqanyn aitty. Onyŋ aituynşa, «İzrail jäne AQŞ-pen bailanysy bar küşter İrandy ekı aptadan astam uaqyt boiy şaiqaǧan narazylyqtar kezınde ülken ziian keltırıp, myŋdaǧan adamdy öltırdı».
AQŞ prezidentı Donald Trampty nysanaǧa alǧan Hamenei narazylyqtardyŋ artynda Vaşington tūrǧanyn mälımdedı.
«Soŋǧy arandatu — Amerikanyŋ bülıgı. AQŞ-tyŋ maqsaty İrandy jūtyp qoiu boldy. Bız AQŞ prezidentın iran halqyna keltırılgen ziian, adam şyǧyny men baǧyttalǧan jala üşın kınälı dep sanaimyz», — dedı ol.
İran şielenıstı el şekarasynan tysqa şyǧarǧysy kelmeitının aitqan Hamenei sonymen qatar kınälıler jazasyz qalmaitynyn atap öttı.
«Bız eldı soǧysqa aparmaimyz, bıraq jergılıktı nemese halyqaralyq qylmyskerlerdıŋ jazasyz qaluyna da jol bermeimız», – dedı ol qataŋ mälımdeme jasap.
Habarlarǧa säikes, qazır narazylyqtar kezınde engızılgen internetke şekteuler ışınara jeŋıldetılgen. İrandyq BAQ keibır aimaqtarda internet pen SMS qyzmetterı qaita qoljetımdı bolǧanyn habarlady. NetBlocks internet-baqylau tobynyŋ mälımetınşe, şamamen 200 saǧatqa sozylǧan būǧattaudan keiın bailanys bırşama qalpyna kele bastaǧanymen, qoljetımdılık qalypty deŋgeidıŋ nebärı 2 paiyzyna jetken.
Eldegı narazylyqtar kezınde küştık qūrylym ökılderın, narazylyq bıldıruşılerdı jäne beibıt tūrǧyndardy qosa alǧanda, jalpy 3090 adamnyŋ qaza tapqany habarlandy. Hamenei būl şyǧyndy alǧaş ret aşyq türde moiyndauy İrandaǧy oqiǧalarǧa qatysty resmi ritorikadaǧy eleulı özgerıs retınde baǧalandy.
