Almatyda qańtar kezinde jappaı tártipsizdikke qatysqandarǵa qatysty úkim shyqty, dep habarlaıdy "Adyrna" ulttyq portaly QazAqparatqa siltep.
Qylmystyq ister jónindegi mamandandyrylǵan aýdanaralyq sotynda jappaı tártipsizdik pen shabýylǵa qatysyp, kúzetiletin obektilerdi basyp alǵan, bılik ókilderine zorlyq-zombylyq kórsetti dep aıyptalǵan 11 sottalýshynyń isi qaraldy.
2022 jyldyń 4-5 qańtarynda sottalýshylar Almatydaǵy jappaı tártipsizdikke qatysyp, qorǵalatyn obektilerge — Almaty qalasynyń ákimdigine, Prezıdent rezıdenııasyna, polıııa keńsesine zańsyz kirgeni anyqtalǵan. Sottalýshylardyń qylmystyq áreketi múliktiń joıylýyna ulasyp aýyr zardaptarǵa ákeldi.
Tártipsizdik barysynda úsh sottalýshy áskerı qyzmetshiler men quqyq qorǵaý organdarynyń qyzmetkerlerine zorlyq-zombylyq kórsetkeni de ataldy.
Sottalýshy eki áskerı kýrsantty tutqynǵa alyp, olarǵa jeńil dene jaraqatyn salǵan.
Degenmen, sottalýshylar kinásin jartylaı moıyndady.
Raqymshylyq týraly zańdy qoldana otyryp, árqaısysy 1 jyl 9 aıǵa bas bostandyǵynan aıyryldy.
Odan bólek, bir sottalýshy QK 272-babynyń 2-bóligi, 380-babynyń 3-bóligi, 1), 4), 8) tarmaqtary, 269-1-babynyń 3-bóligi, 261-babynyń 3-bóligi boıynsha kináli dep tanyldy.
Ol Raqymshylyq týraly zań aıasynda 4 jylǵa bas bostandyǵynan aıyryldy.
