Qaraǵandyda náreste kókjótelden shetinep ketti, dep habarlaıdy "Adyrna" ulttyq portaly.
Qaraǵandy oblysynda alty aılyq náreste kókjótel tıip, qaza tapty. Bul týraly Densaýlyq saqtaý mınıstri Aqmaral Álnazarova málimdedi.
«Qaraǵandy oblysynda bir bala kókjótelden shetinedi. Ol kókjótelge qarsy vakına almaǵan. Bala alty aılyq», - dedi ol 11 maýsym kúni ótken úkimettegi brıfıngte.
Densaýlyq saqtaý mınıstri osy aqparatty rastaı otyryp balalar arasynda qaýipti aýrýlarǵa qarsy vakına ýaqytynda salynbaǵandyqtan, juqpaly aýrýlar kóbeıip ketkenin aıtady.
«Halyqtyń jappaı deni saý bolýy degenimiz óte názik dúnıe ekenin baıqadyńyzdar ǵoı. Sońǵy birneshe jyl ishinde balalar arasynda vakına almaǵan balalar kóbeıip ketken soń jappaı aýrý taraı bastady», - dedi Álnazarova.
