Qaraǧandyda polisiia balalar mekemesınıŋ tärbielenuşılerınen aqşa bopsalaumen ainalysqan toptyŋ qyzmetın toqtatty, dep habarlaidy "Adyrna".
Qaraǧandy qalasynda polisiia departamentınıŋ ūiymdasqan qylmysqa qarsy küres basqarmasynyŋ jedel qyzmetkerlerı prokuraturamen özara ıs-qimyl barysynda äleumettık osal sanattaǧy azamattarǧa arnalǧan arnaiy memlekettık tölemderden aqşa bopsalauǧa qatysy bar ūiymdasqan toptyŋ zaŋsyz äreketın äşkereledı.
Jedel ıs-şaralar barysynda öŋırdegı balalarǧa arnalǧan mekemelerdıŋ bırınıŋ tärbielenuşılerı qylmyskerlerdıŋ qūrbany bolǧany anyqtaldy.
Aldyn ala mälımetke süiensek, soŋǧy jarty jyl ışınde küdıktıler aldau, qorqytu jäne fizikalyq küş qoldanu arqyly bırneşe jäbırlenuşıden jalpy somasy 10 million teŋgeden astam qarajatty iemdengen. Olardy arnaiy şottardan aqşa şeşuge, sondai-aq mikroqarjy ūiymdarynda nesie räsımdeuge mäjbürlegen.
Jürgızılgen jedel-ızdestıru ıs-şaralary nätijesınde küdıktılerden avtomatty atys qaruyna arnalǧan oqjatarlar jäne jüzden astam oq-därı tärkılendı.
Atalǧan derek boiynşa bopsalau belgılerımen sotqa deiıngı tergep-tekseru bastaldy. Barlyq küdıktı ūstaldy. Olarǧa 10 jylǧa deiın bas bostandyǧynan aiyru jazasy taǧaiyndaluy mümkın.
Polisiia olardyŋ basqa da osyǧan ūqsas qylmystarǧa qatystylyǧyn anyqtau boiynşa jūmysty jalǧastyryp jatyr.
