Premer-mınıstr Úkimet otyrysynda jergilikti bılikke birneshe tapsyrma júktedi, dep habarlaıdy "Adyrna" ulttyq portaly.
Úkimet basshysy Oljas Bektenov ótken aptada Soltústik Qazaqstan oblysyna barǵanyn, ondaǵy úılerdiń jóndeý jáne qurylys jumystarynyń qarqyny jaqsy ekenin atap ótti. Degenmen ol ózge óńirdiń ákimderine shúılikti.
«Taǵy da eske salamyn – jaz mezgili qysqa, bárin belgilengen merzimde, ári sapaly etip jasaýǵa biraz ýaqyt kerek bolady. Ókinishke qaraı, jergilikti bılik organdarynyń jumysynda salǵyrttyq, sheshim qabyldaýda baıaýlyq, uıymdastyrý isinde álsizdik baıqalady. Ásirese Batys Qazaqstan jáne Atyraý oblystarynyń jumysyn jandandyrý kerek», - dedi Bektenov úkimet otyrysynda.
Odan bólek, tasqyn kezinde qoldanylǵan úıindilerdi de iske asyrýdy tapsyrdy.
«Sondaı-aq, kóptegen óńirde sý tasqynymen kúresý úshin qum men sazdan úıindiler jasaldy, topyraq salynǵan qaptar paıdalanyldy. Endigi kezekte ákimdikter bárin órkenıetti túrge keltirý kerek. Ekologııaǵa zııan keltirmes úshin barlyq qapshyqty alyp tastap, kádege jaratý qajet», - dep tapsyrdy premer.
