Petropavlda bes qabatty úıdiń terezesinen 4 jasar bala qulap ketken. Búldirshinniń ómiri úshin dárigerler kúresip jatyr. Bul týraly Soltústik Qazaqstan oblysy polıııa departamenti baspasóz qyzmeti málimdedi, dep habarlaıdy “Adyrna” ulttyq portaly.
Oqys oqıǵa 7 maýsym kúni boldy.
«Petropavl qalasy polıııa basqarmasynyń «102» jedel nómirine Ibraev kóshesindegi bes qabatty úıdiń terezesinen balanyń qulap ketkendigi týraly aqparat tústi. Qazirgi ýaqytta búldirshin oblys ortalyǵyndaǵy emdeý mekemeleriniń birinde. Tekserý júrgizilip jatyr», - dep habarlady Soltústik Qazaqstan oblysy polıııa departamenti baspasóz qyzmetinen.
Oblystyq kópbeıindi balalar aýrýhanasynyń dırektory Nurlan Aımanovtyń aıtýynsha, bala jansaqtaý bóliminde jatyr, jaǵdaıy óte aýyr. Qandaı jaraqattar alǵany dárigerlik qupııa. Mamandar búldirshindi aman alyp qalý úshin qoldan kelgenniń bárin jasap jatyr.
