Kópke úlgi bolyp, Almaty oblysynan soltústikke qonys aýdarǵan qoǵam belsendisi Býraqan Daqanovtyń úıi órtenip ketti, dep habarlaıdy "Adyrna" ulttyq portaly.
Ol Soltústik Qazaqstan oblysyndaǵy Shal aqyn aýdany Sergeevka aýylynda turady. Qaıǵyly oqıǵa 9 maýsymǵa qaraǵan túni bolǵan.
Qoǵam belsendisi úıiniń shamamen túngi 1-lerde janǵanyn aıtady. Onyń barsha qujattary, dúnıe-múlki túgel órtenip ketken. Azamattardy ońtústikten soltústikke shaqyryp júrgen belsendi "Adyrna" tilshilerine oqıǵanyń qalaı bolǵanyn aıtty.
"Órt elektr symdarynyń toǵysýy kesirinen boldy. Bala-shaǵamyzben shyǵyp úlgerdik. Eshkimdi kinálap otyrǵan joqpyn", - dep jaýap berdi Býraqan Daqanov.
Onyń Sergeevkadaǵy úıi 3 bólmeli bolǵan. Endi Býraqan Daqanov kishkentaı tórt balamen baspanasyz qaldy.
Qoǵam belsendisi halyqtan qoldaý kútetinin aıtyp, jelide jazba jarııalady.
"Mundaǵy úıler aǵashtan jasalady eken. Syrty penoplastpen qaptalǵan", - dedi Býraqan Daqanov.
