Soltústik Qazaqstan oblysynda Reseı azamattarynyń banktik esepshottary buǵattaldy, dep habarlaıdy "Adyrna" ulttyq portaly KazTAG-qa silteme jasap.
Qarjy shottaryna shekteý qoıý qylmystyq is aıasynda júzege asyrylǵan. Petropavl qalasynyń polıııa departamenti bul sharany 7 naýryzda qabyldaǵan. Alaıda, shottardyń qashan ashylatyny belgisiz.
Jergilikti chattarda buǵattalǵan shottar sany 2 myńǵa jýyq ekeni aıtylǵan. Buǵattaý Reseıden mobılızaııadan keıin kóship kelgen azamattarǵa ǵana emes, keıbir qazaqstandyqtarǵa da áser etken.
Quzyrly organdar bul istiń dropperlik áreketter men krıptovalıýta arqyly zańsyz operaııalarǵa baılanysty bolýy múmkin ekenin joqqa shyǵarmaıdy.
SQO prokýratýrasy qylmystyq istiń bar ekenin rastady.
"Qazir tergeý aıasynda banktegi esepshottarǵa qatysty shekteý sharalary qabyldandy. Bul shekteýler tekseris nátıjelerine baılanysty alynady," – dep málimdedi vedomstvo ókilderi.
Shottary buǵattalǵan azamattarǵa quqyq qorǵaý organdaryna júginip, ózderiniń qarjylyq belsendiligin tekserýge keńes beriledi.
