Qazaqstanda Ózbekstandaǵydaı ımamdarǵa jelide ýaǵyz aıtýǵa tyıym salyna ma? Bul suraqqa búgin Senat kýlýarynda mádenıet jáne aqparat vıe-mınıstri Qanat Ysqaqov jaýap berdi, dep habarlaıdy “Adyrna” ulttyq portaly.
“Sózsiz, bul máseleden habardarmyz. Alaıda áleýmettik jeli de óz azamattarymen tildesýdiń bir joly. Sol sebepti basqa nusqalardy qarastyryp jatyrmyz, biraq olarǵa (ımamdarǵa) áleýmettik jeli túrlerine tyıym salý máselesi kún tártibinde joq”, – deıdi Ysqaqov.
Vıe-mınıstrdiń aıtýynsha, ımamdar jamaǵatymen onlaın da, oflaın da, strım arqyly da sóılese alady.
Eske salsaq, buǵan deıin Ózbekstan ımamdaryna áleýmettik jelide ýaǵyz aıtýǵa, jazbalarǵa lúpil basýǵa tyıym salynǵanyn habarladyq. 27 mamyrda Ózbekstan meshitteriniń barlyq ımamdary áleýmettik jelilerge kirmeý jáne áleýmettik jelilerdegi jazbalarǵa "laık" qaldyrmaý týraly eskertý alǵan.
