Reseı prezıdenti Vladımır Pýtın men Ázerbaıjan prezıdenti Ilham Álıev jeksenbi kúni telefon arqyly sóılesip, Azerbaijan Airlines ushaǵynyń apatqa ushyraýyna baılanysty máselelerdi talqylaýdy jalǵastyrdy. Bul týraly Kreml málimdedi, dep habarlaıdy "Adyrna" ulttyq portaly RIA Novostı agenttigine silteme jasap.
«Pýtın men Álıev búgin telefon arqyly sóılesip, «Ázerbaıjan áýe joldary» ushaǵynyń apatqa ushyraýyna qatysty ártúrli máselelerdi talqylaýdy jalǵastyrdy», - dedi RF prezıdentiniń baspasóz hatshysy Dmıtrıı Peskov.
Peskovtyń málimdemesi Ázerbaıjan Prezıdenti Ilham Álıevtiń Ázerbaıjan telearnasyna bergen suhbatynyń aıasynda jasaldy. Álıev suhbatynda apattan keıingi alǵashqy kúnderde Reseı tarapynan «sandyraq boljamdardan» basqa eshteńe estimegenin aıtty. Sonymen qatar, ol Máskeýden Azerbaijan Airlines ushaǵynyń apaty úshin kináni moıyndaýdy, kinálilerdi jazalaýdy jáne ótemaqy tóleýdi talap etti.
Senbi kúni memleket basshylary Aktaýda bolǵan apatqa baılanysty máselelerdi talqylaý úshin telefon arqyly sóılesken bolatyn. Atap aıtqanda, Pýtın Álıevten keshirim surap, tragedııalyq oqıǵanyń Reseı áýe keńistiginde bolǵanyna ókinish bildirip, qaza tapqandardyń otbasylaryna kóńil aıtty.
