Búgin, 3 maýsym Astanada ákimshilik sot jedel-járdem feldsherine shabýyl jasaǵan adamdy jazalaý týraly sheshim shyǵardy, dep habarlaıdy “Adyrna” ulttyq portaly.
Buzaqy sotta óziniń kinásin moıyndap, keshirim surady.
Sot qaýlysymen astanalyq uryp-soǵý faktisi boıynsha Ákimshilik quqyq buzýshylyq jasaǵany úshin kináli dep tanylyp , 10 táýlik merzimge ákimshilik qamaýǵa alyndy. Sondaı-aq basqa bireýdiń múlkine qasaqana zııan keltirgeni úshin taǵy 15 kún aldy. Bul osyndaı quqyq buzýshylyqtar úshin eń joǵary jaza, dep atap ótti Astananyń ákimshilik quqyq buzýshylyqtar jónindegi mamandandyrylǵan aýdanaralyq soty.
Qaýlylar zańdy kúshine engen joq.
Eske salaıyq, buǵan deıin jedel járdem qyzmetkerine mas er adam shabýyldaǵanyn habarladyq. Otbasylyq janjaldan taıaq jegen áıel jedel járdem shaqyrǵan. Oqıǵa ornyna jedel járdem qyzmetkeri kelgen kezde er adam mas bolǵan. Ol medıına qyzmetkerlerin balaǵattaǵan. Pyshaqpen qorqytyp, bólmeni jaýyp, tipti feldsherge judyryq ala júgirgen. Medıına qyzmetkerleri 102 shaqyrǵan.
