Merzimdi áskerı qyzmette bolǵan sarbaz Marat Barqulovty atyp óltirgen jas ofıer Damır Dosov 13 jylǵa bas bostandyǵynan aıyryldy. Bul týraly Astanada Áskerı sot úkim shyǵardy, dep habarlaıdy “Adyrna” ulttyq portaly.
Sot úkimimen Damır Dosov qylmystyq kodekstiń 99-baby 1-bóligi (qasaqana óltirý) boıynsha kináli dep tanylyp, 13 jylǵa bas bostandyǵynan aıyryldy. Dosov gvardııa leıtenanty ataǵynan aıyryldy. Jábirlenýshilerdiń talap aryzy ishinara qanaǵattandyryldy. Sottalǵan Dosovtan Barqulovanyń paıdasyna materaıldyq zalal retinde 235 myń teńge jáne moraldyq zııan retinde 20 mln teńge óndiriletin boldy.
Eske sala keteıik, qaıǵyly oqıǵa "Batys" óńirlik qolbasshylyǵy bólimderiniń jıyny kezinde bolǵan. Saǵat 17:10 shamasynda lager boıynsha kezekshi, gvardııa leıtınanty PM 9 mm tapanshasynan oq atqan. Atylǵan oq qatardaǵy jaýynger Marat Erboluly Barqulovtyń betine tıgen. Sarbaz aýrýhanaǵa jetkizilgenimen ony aman alyp qalý múmkin bolmaǵan. Saǵat 17:40 shamasynda ol kóz jumǵan.
Bıyl 14 aqpanda Astanadaǵy áskerı sotta 19 jastaǵy sarbaz Marat Barqulovtyń ólimine qatysty alǵashqy sot otyrysy bastalǵan edi. Sot otyrysyna daý-damaımen bastalǵan. Jýrnalısterdi sot zalyna birden kirgizbegen. Sottaǵy sońǵy sózinde aıyptalýshy Damır Dosov qasaqana óltirgisi kelmegenin, tapansha oqtaýly turǵanyn bilmegenin aıtqan edi. Memlekettik aıyptaýshy ony 13 jylǵa sottaýdy surady.
Marat Erboluly Barqulov óziniń týǵan aýyly – Shyǵys Qazaqstan oblysynyń Samar aýylynda jerlendi.
