Jelide revolıýııaǵa deıin túsirilgen qazaqtardyń sýreti tarady, dep habarlaıdy "Adyrna" ulttyq portaly.
Sýret saıasattanýshy Serik Belgibaıdyń jelidegi paraqshasynda jarııalanǵan. Sýrettiń Ombyda túsirilgeni anyqtaldy.
"Oń jaqtaǵy oramal taqqan áıel – atamnyń anasy Qadısha. Qasynda meniń arǵy atamnyń ápkesi, Qadıshanyń qaıyn sińilisi bar. 1920 jyldardyń basyndaǵy alǵashqy asharshylyq kezinde Qadısha jeti balasymen birge ashtyqtan óldi. Arǵy atamnyń ákesi Belgibaı Ombyda saýdager bolǵan. Bolshevıkter kelgende ony óltirdi.
Onyń uly Neǵmat, meniń arǵy atam, áıeli men 8 balasymen qashyp, Kókshetaýdan alys emes, qazirgi Stepnıak qalasy dep atalatyn jerge qonystanǵan.
Arǵy atam shahtanyń bir jerine jumysqa ornalasyp, aıaǵyn syndyryp alypty. Ol esin jıyp, úıge oralǵansha, eń kenjesi atamnan basqa búkil otbasy qaıtys boldy. Muny atam este saqtaǵan. Ol ólgenderdi jerleýge kúshi de bolmaǵanyn aıtady. Arǵy atam máıitterdi jaı ǵana orap, jerge kómgen. Keıin janazasyn oqyǵan. Atam ákemdi ıyǵyna otyrǵyzyp, Ombyǵa jaıaý attanady. Jolda ákemniń kólde tuzaqpen úırek ustap alǵanyn atamnyń aıtqany da esimde. Ash bolǵany sonsha, olar aýlaǵan úırekti shıki túrde jegen. Bul biz biletin jáne az aıtatyn alǵashqy keńestik asharshylyq edi. Sol kezde qazaqtar mıllıonnan az bolǵan", - delingen jazbada.
"Sol jyldardaǵy qazaqtardy qyryp-joıý halyqtyń uly tarıhy úshin kek alý áreketi boldy", - dep jazǵan Vasılıı Sadyqov esimdi jeli qoldanýshysy.
"Reseımen ortaq shekarasy bolǵan qazaq shejiresinde - orta jáne kishi júzden 130 rýy joıylyp ketken", "Osydan soń KSRO-ny qalaı jaqsy kóresiń?", "qazaqtardy qyrǵan orystar bolsa nege sol tilde sóıleımiz?" dep jeli qoldanýshylary jarysa jazǵan.
