Pavlodar. Ortalyq monsha. Pardan shyǵyp, barda otyr edik. Qasyma eki jigit keldi.
-Assalaýmaǵaleıkým aǵa!
-Ýaǵaleıkýmassalam! Molda bol.
-Aǵa, sizdi jańa jigitter voenkor dedi. Aıtatyn áńgimem bar edi.
- Men jýrnalıstpyn. Voennyı korrespondent emespin. Biraq, áńgimelerińdi tyńdaýǵa yqylastymyn.
Reseıdiń Altaı ólkesiniń qazaqtary eken. Myna soǵys az ulttarǵa zobalań boldy deıdi. Segiz-aq úıi bar kórshi aýylda 14 mola jańadan qazylypty.
"Meniń týǵan baýyrymnyń qyrqy áli ótken joq. Grýz-200 bolyp keldi. Bizdiń aýyl úshin birinshi kelgen Grýz-200 boldy. Osy kúnge deıin aýyldaǵylar Reseı myqty ma, Ýkraına myqty ma dep daýlasatyn. Soǵysty talqylaıtyn. Meniń baýyrymnyń máıiti kelgeli búkil aýyl aýzyn ashpaıtyn boldy. Úndemeıdi. Toı-tomalaq, as-qatymda ol jaıly sóz qozǵamaıdy. Aınalyp ótedi. Mańaıda qara qaǵaz alǵandar kóbeıdi. Bir jaǵynan jumyssyzdyq ta qysyp barady. Aqsha tabamyz dep kelisim-shartqa qol qoıyp, Ýkraınaǵa ketip jatyr. Soǵys bastalǵan bette mobılızaııa bolatynyn bilgender buta qorǵalaǵan torǵaıdaı Qazaqstanǵa ótip aldy. Áke-sheshem erte kezde kósheıik degende týǵan jer dep ketpep edik. Endi jalǵyz baýyrymnyń molasyn dalaǵa qaldyryp qalaı kóshemin" degen jigittiń kózine jas irkildi.
Qazir aýylynyń jastaryn Pavlodarǵa ákep, jumysqa ornalastyryp júrgen jigitke bir jaǵynan rıza boldym.
"Bizdi jergilikti qazaqtar jaqtyra qoımaıdy. Pýtındi qoldaısyńdar dep. Báribir qazaqpyz ǵoı. Qan bar. Uryssa da, ursa da Reseıdegideı ólimge aıdap jatqan joq qoı" degende meniń jylaǵym keldi. Qan degen marganovka emes qoı!
Ońǵar Qabden
