Jetisý oblysy, Kerbulaq aýdany, Malaısary vokzalynda vagon ısternasynda dıametri 25 mıllımetr bolatyn apattyq klapannan kúkirt qyshqylynyń tógilýi anyqtaldy, - dep habarlaıdy “Adyrna” ulttyq portaly QR Tótenshe jaǵdaılar mınıstrligine silteme jasap.
«Qutqarýshylar jergilikti turǵyn úılerden 46 aýyl turǵynyn erterek evakýaııalady, vagon ısternasyn salqyndatý jumystary júrgizildi», - delingen vedomstvonyń habarlamasynda.
Aıta keteıik, Tótenshe jaǵdaılar mınıstrligi bastapqyda 46 úıden turǵyndardy kóshirý týraly habarlaǵan bolatyn. Alaıda, keıin mınıstrlik derekterdi túzetip, aqparattyq bıýlleten mátinin ózgertti.
Qurbandar men zardap shekkender joq. Turǵyndardyń ómiri men densaýlyǵyna qaýip tónip turǵan joq, dep sendirdi Tótenshe jaǵdaılar mınıstrligi.
Eske sala keteıik, mamyr aıynyń sońynda Aqmola oblysyndaǵy temirjol joldarynda kúkirt qyshqyly tógilgen bolatyn. Atalmysh jaıttan keıin alty adam evakýaııalandy.
