Májilis depýtaty Azat Perýashev jelide tarap ketken eks-depýtat Maqsat Ramanqulovtyń mereıtoıyndaǵy vıdeoǵa qatysty pikir bildirdi, - dep habarlaıdy “Adyrna” ulttyq portaly.
Májilis alańynda jýrnalıster Perýashevtan partııalasynyń 50 jyldyq mereıtoıyn aýqymdy atap ótýin qalaı baǵalaıtynyn surady.
"Ol týǵan kúnin atap ótetindikten bizdiń áriptesterimizdi shaqyrdy degen sóz. Týǵan kúnine barsań, onda ne daıyndalyp jatqanyn qaıdan bilesiń, bul - bir. Ekinshiden, Maqsat Ramanqulov - bedeldi kásipker. «Sońǵy ýaqyttyń ózinde ol 20-dan astam túrli nysan, sonyń ishinde turǵyn úı salǵan», - dep jaýap berdi Azat Perýashev.
Májilismenniń aıtýynsha, Maqsat Ramanqulov sý tasqyny kezinde qazaqstandyqtarǵa kómek kórsetken.
«Tyńdańyzdar, biz onyń ózi kómekke aqsha jınap, sý tasqynynan zardap shekken Petropavlǵa kólikter jibergenin, kómek kórsetkenin nege aıtpaımyz? Kerisinshe onyń týǵan kúnin qalaı atap ótkenin aıtamyz. Qandaı aqymaqtyq?” – dep ashýlandy májilismen.
Esterińizge sala keteıik, osyǵan deıin eks-depýtat Ramanqulovtyń 50 jasqa tolǵan mereıtoıyn dúrkiretip jasaǵanyn jarııalaǵan bolatynbyz.
