Ulytaý oblysynda jantúrshigerlik jol apaty boldy, dep habarlaıdy "Adyrna" ulttyq portaly.
26 mamyr kúni saǵat 14:15-te Jezqazǵan – Petropavl respýblıkalyq mańyzy bar avtojolda, Sátbaev qalasynan Jezdi kentine deıingi ýchaskede eki kólik bir-birimen soqtyǵysqan.
Polıııa málimetinshe, 2002 jyly týǵan júrgizýshiniń basqarýyndaǵy Mercedes-Benz 190 markaly avtokóligi qarsy jolaqqa shyǵyp ketken. Ol 1978 jyly týǵan júrgizýshiniń basqarýyndaǵy Chevrolet Nexia markaly mashınamen betpe-bet soqtyǵysty.
Oqıǵa ornynda tórt adam qaza tapty. Chevrolet Nexia kóliginiń júrgizýshisi, onyń 1978, 1981 jáne 1971 jyly týǵan úsh áıel jolaýshysy, odan bólek 2002 jyly týǵan Mercedes-Benz 190 kóliginiń bir jolaýshysy qaıtys bolǵan.
Al Mercedes-Benz 190 kóliginiń júrgizýshisi jáne onyń 2002 jyly týǵan áıel jolaýshysy Jezqazǵan qalasynyń ortalyq aýrýhanasyna jetkizildi. Jol apatyna ushyraǵandardyń Ulytaý oblysynyń Tótenshe jaǵdaılar basqarmasynyń kishi serjanttary ekeni anyqtaldy.
Odan bólek, Chevrolet Nexia jolaýshylary 1999 jyly týǵan áıel jáne 2023 jyly týǵan qyz túrli jaraqatpen Jezqazǵan qalasynyń ortalyq aýrýhanasyna jatqyzylǵany belgili boldy.
