Petropavlda úıin jaryp jibergen 95 jastaǵy zeınetker qaıtys boldy. Bul týraly SQO densaýlyq saqtaý basqarmasynyń ókilderi aıtty, dep habarlaıdy “Adyrna” ulttyq portaly.
Aqparatqa sáıkes, zeınetker 26 mamyrǵa qaraǵan túni qaıtys bolǵan.
Qarııanyń denesiniń 60 paıyzyn kúıik shalǵan. Dárigerlerdiń sózinshe, mundaı jaǵdaılarda teri nekrozy (dene tinderiniń buzylýy) bolady.
Eske sala keteıik, 22 mamyr kúni Petropavlda áıelimen janjaldasqan qarııa ózin óltirmek bolyp gaz ballonyn jaryp jibergenin habarlaǵan edik.
Kórshileriniń aıtýynsha, zeınetker baqshasyna kartopty kimniń otyrǵyzǵanyn umytyp qalyp shý shyǵarǵan kórinedi.
Janjal qala shetindegi jer úıde bolǵan. Kórshileri eki ret gúrs etken jarylysty estigen. Osy sátte baspananyń kúli kókke ushyp, órt tutanǵan. Janushyryp júgirgen qarııanyń áıeli kórshilerden kómek surapty. Ájeıdi 94 jastaǵy zeınetker ábden sabap tastaǵan eken. Denesinde saý tamtyǵy joq ol qarııanyń gaz ballonyn jarǵaly jatqanyn aıtqan. Kórshileri polıııa men órt sóndirý qyzmetine habar bergen. Olar kelgenshe, úı túgel janyp ketti.
Al gaz ballonyn jarǵan úı ıesi basyn aman alyp shyǵyp, qoraǵa tyǵylyp úlgeripti. Ony qutqarýshylar jedel járdemge tapsyrǵan. Zeınetker sol sátte esin bilgenimen, aýrýhanaǵa kelgen soń jaǵdaıy nasharlap, jansaqtaý bólimine jatqyzylǵan edi.
