Shıelide mektep oqýshylary arasyndaǵy tóbeles sońy ólimmen aıaqtalǵan bolatyn. Jaǵdaıǵa qatysty mınıstr túsinikteme berdi, dep habarlaıdy "Adyrna" ulttyq portaly.
Qyzylorda oblysynda 10-synyp oqýshylary 9-synyp oqýshysyna álimjettik kórsetip, uryp óltirgen bolatyn. Qaıǵyly oqıǵadan keıin mekteptegi álimjettikke qatysty muǵalimder men polıeıler Qylmystyq kodekstiń normalaryn aıtyp, túsindirý jumysyn júrgizip jatyr.
Jýrnalıst Oqý-aǵartý mınıstrine «Jaqynda Jambyl oblysynda mektepte oqýshy balany uryp, saldarynan ol kóz jumdy. Sondaı-aq keshe Qyzylorda oblysynda 10-synyp oqýshylary 9-synyptyń oqýshylaryn uryp, bir bala qaıtys boldy. Osy jaǵdaıdy siz baqylaýǵa aldyńyz ba? Osyndaı qaıǵyly jaǵdaı bolmas úshin 8-11 synyp oqýshylaryna Qylmystyq kodekstiń normalaryn túsindirý kerek shyǵar? Sebebi, bıyl mektepterde álimjettik jıilep ketken sııaqty» degen suraq qoıdy.
Ǵanı Beısembaev bul másele boıynsha barlyq óńirdegi ákimniń orynbasarlaryn jınap, shuǵyl jınalys ótkizgenin atap ótti.
"Biz barlyq máseleni ashyq talqylap, óńirdegi ákimdikterge naqty tapsyrma berildi. Byltyr tamyzdyń sońynda Oqý-aǵartý mınıstrligi tarapynan balalardyń quqyǵyn qorǵaý úshin keshendi baǵdarlama Úkimettiń qaýlasymen qabyldandy. Osyǵan baılanysty álemdegi tájirıbeni zerttep, býllıngke qarsy eń tıimdi retinde joba fındik júıeni jáne "Dos bolaıyq" jobasyn qarastyrdyq", - dedi mınıstr.
Al Qyzylordadaǵy qaıǵyly oqıǵaǵa qatysty mán-jaıdy anyqtaǵanyn atap ótti.
"Keshe birden ákimniń orynbasaryna tikeleı telefon arqyly habarlasyp, bolǵan jaǵdaıǵa qatysty qandaı sharanyń qoldanyp jatqanyn suradym. Tek bir mektepke qatysty emes, aımaqtaǵy (basqa mektepterge) naqty qandaı sharalar qoldanylatyny týraly biz jarty saǵattaı áńgimelestik. Mundaı jumystar Pavlodar jáne Jambyl oblysyndaǵy ákimdiktermenen de arnaıy keshendi jospar qurý baǵytynda jumystar qolǵa alynyp jatyr...", - dedi vedomstvo basshysy.
Mınıstr mekteptegi álimjettikke qatysty oqýshylardyń bárine túsindirme jumystary júrgiziletinin de tilge tıek etti.
"Bıyldan bastap Ádilet mınıstrligi, Ishki ister mınıstrliginiń mamandary osy quqyqtyq zańdardy durys paıdalanýǵa, saýattandyrýǵa qatysty jumysty bastap ketti. Budan bólek, barlyq mektepte 111 senim telefony jumys isteıdi. Oǵan kez kelgen bala habarlasa alady. Olar osyndaı jaǵdaıdy aıtyp, tıisti shaǵymyn jasaı alady", - dedi Ǵanı Beısembaev.
