Zelenskııdiń Ýkraına prezıdenti retindegi ókilettik merzimi aıaqtaldy. Alaıda BUU málimdeme jasady, dep habarlaıdy "Adyrna" ulttyq portaly RBK-ǵa siltep.
BUU Ýkraınanyń qazirgi prezıdenti Vladımır Zelenskııdi memleket basshysy dep qarastyrýdy jalǵastyratynyn málimdedi.
Resmı túrde Zelenskııdiń memleket basshysy retindegi ókileti osy jyly 20 mamyrda aıaqtalǵan. Degenmen eldegi áskerı jaǵdaıǵa baılanysty prezıdenttiń ókileti avtomatty túrde uzartyldy.
Dúnıejúzilik uıym basshysynyń ókili Stefan Dıýjarrık Zelenskıı BUU úshin Ýkraınanyń kóshbasshysy bolyp qala beretinin aıtyldy.
Kreml Reseı Zelenskııdiń ókiletiniń zańdylyǵyna qatysty ustanymyn 21 mamyrǵa taıaý jarııalaıtynyn habarlady.
«Prezıdent Zelenskıı - biz úshin Ýkraınanyń memleket basshysy jáne Ýkraına basshysymen baılanysý qajet bolǵanda sóılesetin adam bolyp qala beredi», - dedi dúnıejúzilik uıym basshysynyń ókili.
Vladımır Zelenskıı 2019 jyly Ýkraınanyń prezıdenti bolyp saılandy, sol jyly 20 mamyrda ol qyzmetke kiristi. Memleket basshysy bes jyl merzimge saılanady, saılaý 2024 jyldyń naýryzynda ótýi kerek bolatyn.
