Atyraý oblysynda moped júrgizýshisi jasóspirimdi qaǵyp óltirdi, dep habarlaıdy "Adyrna" ulttyq portaly QazAqparatqa siltep.
Atyraý oblysy polıııa departamentiniń baspasóz qyzmeti jol-kólik oqıǵasynyń 18 mamyrda tirkelgenin habarlady.
Jaıaý júrginshini qaqqan moped júrgizýshisine eki aı buryn eskertý de jasalǵan.
«Kúndizgi saǵat 15:25 shamasynda Inder aýdanynyń Bódene aýylynda moped kólik quraly jaıaý júrginshini qaǵyp qulatqan. Jol-kólik oqıǵasy saldarynan jaıaý júrginshi Inder aýdandyq ortalyq aýrýhanasynyń jansaqtaý bólimine jetkizildi. Biraq, zardap shekken jasóspirim aýrýhanada qaıtys boldy», - delingen departament baspasóz qyzmetiniń habarlamasynda.
Adam ólimine sebepker bolǵan jol-oqıǵasyn jasaǵan moped júrgizýshiniń jasóspirim ekeni anyqtalyp otyr. Bıylǵy naýryz aıynda bul jasóspirimniń osyndaı quqyq buzǵany úshin zańdy ókiline ákimshilik hattama toltyrylǵan. Alaıda, jasóspirim eskertýge qaramastan moped júrgizýdi jalǵastyrǵan.
