Sý tasqynynan zardap shekken Qulsary aýylynyń turǵyndary buǵan deıin ýáde etilgendeı ár sharshy metrden 200-250 myń teńgeden emes, 400 myń teńgeden shyǵynnyń eseptelýin talap etýde. «Adyrna» ulttyq-portaly aýyldaǵy jyljymaıtyn múlik naryǵyn zerttedi.
«Krysha» jyljymaıtyn múlik satý saıtyna monıtorıng júrgizý barysynda Qulsary qalasyndaǵy jeke turǵyn úılerdi satý týraly 190 habarlandyrý jarııalanǵany anyqtaldy.
Saıtta eń eski habarlandyrý 2024 jyldyń 9 mamyry jarııalanǵan.
Úıdiń jaǵdaıy men jóndeý sapasyna qaraı bir sharshy metrdiń baǵasy 150-200 myń teńge aralyǵyn quraıdy.
2024 jylǵy 16 mamyryndaǵy sońǵy jarııalanǵan habarlandyrýlar da sharshy metrdiń baǵasy 150-200 myń teńge aralyǵynda boldy.
Eske salaıyq, buǵan deıin Atyraý oblysynyń ákimi Serik Shápkenov múlki búlingen dep tanylǵandarǵa ótemaqy Qulsary qalasynda shamamen 200-240 myń teńgeni quraıtyn naryqtyq baǵamen tólenetinin habarlaǵan bolatyn. Degenmen, turǵyndar 400 myń teńgeden shyǵynnyń eseptelýin talap etýde.
