Qoǵam belsendileri Qazaqstanda USAID qyzmetin toqtatýdy talap etti, dep habarlaıdy "Adyrna" ulttyq portaly.
Qazaqstandyq qoǵam belsendileri AQSh Halyqaralyq damý agenttiginiń (USAID) eldegi qyzmetin toqtatýdy jáne LGBT qaýymdastyǵyn qarjylandyratyn uıymdarǵa zań júzinde tyıym salýdy talap etip, Mádenıet jáne aqparat mınıstrligine petıııa joldady.
Belsendi Baǵıla Baltabaeva USAID 1992 jyldan beri Qazaqstanda áleýmettik jobalardy qarjylandyryp keletinin habarlady. Degenmen olardyń keıbiri ulttyq qundylyqtarǵa qaıshy baǵytta júzege asqan. Onyń málimetinshe, 2001-2024 jyldar aralyǵynda bul uıym Qazaqstanda 2,07 mlrd dollar bólgen, al qarajattyń belgili bir bóligi LGBT uıymdary men olardy qoldaıtyn bastamalarǵa baǵyttalǵan.
Baltabaevanyń sózinshe, Donald Tramp USAID qyzmetin jaýyp tastaýǵa buıryq bergen, nátıjesinde bul uıym birneshe memlekette jumysyn toqtatqan. Máselen, jaqynda Ázirbaıjan USAID-tyń qyzmetine resmı túrde tyıym salǵan.
Belsendiler sheteldik uıymdardyń qyzmetin memlekettik baqylaýǵa alý qajettigin aıtqan.
Aıta keteıik, prezıdent Tramp qyzmetine kirise sala AQSh salyq tóleýshileriniń qarjysynan qurylǵan, biraq ózge elderge kómek beretin uıymdar jumysy shektep, qaıta qurylymdaýǵa kirisip ketkenin aıtqan edik.
