Týrızm jáne sport mınıstri otbasynyń bıznesi bar ekenin rastady, dep habarlaıdy "Adyrna" ulttyq portaly Tengrinews.kz-ke siltep.
Mınıstr Ermek Marjyqpaev jýrnalısterge bergen jaýabynda otbasylyq bıznestiń mınıstrlik qyzmetine esh qatysy joq ekenin aıtty.
"Iá, ózderińiz jaqsy bilesizder, bizdiń otbasymyz bıznespen aınalysady. Biraq onyń Týrızm jáne sport mınıstrligine esh qatysy joq. Memlekettik qyzmetke kelgenge deıin 2008 jylǵa deıin kásipkerlikpen aınalystyq. Keler jyly bul kásiporynǵa 30 jyl tolady. Bul kásiporyn men memlekettik qyzmetke kelgenge deıin órkendegen bolatyn", - dedi mınıstr.
Sondaı-aq, BAQ ókilderi mınıstrdiń áıeli Býrabaıdaǵy qonaqúıler jelisin ıelenetin "Bereke-Býrabaı" JShS quryltaıshysy ekeninde atap ótti.
"Mınıstr men onda ornalasqan shaǵyn qonaqúıler arasynda qandaı múddeler qaıshylyǵy bolýy múmkin? Muny qalaı elestetýge bolady? Bul suraq mezgil-mezgil qoıylady, biraq men Týrızm jáne sport mınıstrligi men sol nysandardy qalaı baılanystyrýǵa bolatynyn túsinbeımin. Eshqandaı múddeler qaıshylyǵy joq.
