Irandyq rejısser sot úkiminen keıin elden qashyp ketken, dep habarlaıdy "Adyrna" ulttyq portaly Ferǵana agenttigine siltep.
Berlın kınofestıvaliniń jeńimpazy, ırandyq rejısser Mohammad Rasýlof segiz jylǵa bas bostandyǵynan aıyrylǵan bolatyn. Sot úkimi shyqqannan keıin rejısser jasyryn túrde otanynan ketip qalǵan. Rasýlof elden ketý týraly áleýmettik jelide jazdy.
Irandyq elin tastap ketý ıdeıasy ózin qamaýǵa alý týraly úkim shyqqanda paıda bolǵanyn jazady.
«Sheshim qabyldaýǵa kóp ýaqytym bolmady. Maǵan túrme men Irannan ketýdiń birin tańdaý kerek boldy. Men qýǵyndy tańdadym. 2017 jyldyń qyrkúıeginde Islam Respýblıkasy meniń tólqujatymdy tartyp aldy. Sondyqtan Irannan jasyryn ketýge týra keldi», - dep túsindirdi rejısser.
Rasýlof óz mysalynda temir tordyń ar jaǵynda ólim jazasyn kútip otyrǵan jas reper Týmaj Salehıdiń oqıǵasyn da atap ótti.
«Repressııanyń aýqymy men qarqyndylyǵy qatygezdik deńgeıine jetti, adamdar kún saıyn úkimettiń kelesi aýyr qylmysy týraly jańalyqty kútedi», - dep jazdy Rasýlof.
Eske sala keteıik, rejısserǵa qatysty úkim ótken aptada shyqqan bolatyn. Ol «Qasıetti injir tuqymy» degen sońǵy jumysy úshin jazalanǵan bolýy múmkin. Sebebi BAQ málimetinshe, fılm túsirý tobynyń qamaýǵa alynǵany anyqtalǵan.
