Energetıka mınıstrligi Jańaózendegi munaıshylardyń ereýiline qatysty saýalǵa jaýap bere almady, dep habarlaıdy "Adyrna" ulttyq portaly QazTag-qa siltep.
Energetıka mınıstrligi QazTag redakııasynyń "Kezbı" mekeme qyzmetkerleriniń ereýiline qatysty saýalyna «Bizde jaýap joq» dep jaýap berdi.
Energetıka mınıstriniń keńesshisi Shyńǵys Ilııasov saýalyna jaýap alǵysy kelgen jýrnalısti «QazMunaıGaz» UK» AQ baspasóz qyzmetine "siltemek" bolǵan. Alaıda BAQ ókili munaı salasyna jaýapty organ retinde Energetıka mınıstrligine júgingen. Alaıda mınıstrliktiń baspasóz qyzmetinen "Bizde jaýap joq" degen keri baılanys alǵan.
Aıta keteıik, birer aı buryn áleýmettik jelide Jańaózendegi «Kezbı» JShS jumysshylary kompanııa men «QazMunaıGaz» basshylyǵynan eskirgen jáne ómirge qaýip tóndiretin jabdyqtardy aýystyrýdy talap etip narazylyqqa shyqqany týraly habar taraǵan bolatyn.
