Koreıalyq professorlar Qazaqstanda dron salasyna qajetti mamandar daıarlamaq. Mundaı kelisimge elimizdiń ónerkásip jáne qurylys mınıstrligi delegaııasynyń Ońtústik Koreıaǵa sapary barysynda qol jetkizildi, dep habarlaıdy “Adyrna” 24kz arnasy siltep.
Aqparatqa sáıkes, delegaııa músheleri 3 kún ishinde Koreıa úkimeti múshelerimen, iri kompanııalardyń basshylarymen kelissózder júrgizip, Djeı jáne Shınhan ýnıversıtetterinde boldy. Onda olar dáriske qatysyp, drondardy jasaý úshin ınjenerlerdi oqytý úderisimen tanysty.
Ónerkásip jáne qurylys mınıstrliginiń málimetinshe, ázirge Qazaqstanda eki ýnıversıtette ǵana drondar kafedralary bar. Endi Djeı ýnıversıtetiniń kómegimen taǵy bir fakýltet ashylmaq. Koreıalyq professorlar Qazaqstanda dron salasyna qajetti mamandar daıarlaıdy.
Ónerkásip jáne qurylys vıe-mınıstri Azamat Beıisbekovtiń aıtýynsha, Djeı akademııasynda joǵarǵy synyp oqýshylarynan bastap naqty óndiriste jumys isteıtin adamdarǵa deıin arnaıy solarǵa mamandyrylǵan baǵdarlamalar bar.
"Solardy qoldana otyryp, mamandardy daıarlaımyz. Aldaǵy ýaqytta Djeı ýnıversıteti Qazaqstanǵa kelip, bizdiń ýnıversıtetterimizdi aralap, tehnıkalyq ýnıversıtetterimizdi, olardyń ishinen ózderine áriptes tandaıdy. Bizge koreı jáne túrik taraptary drondardy óndirý tehnologııasy men quzyrettiligin berýge daıyn", - deıdi Azamat Beıisbekov.
