Qazaqstan azamattaryna bóten eldiń soǵysyna qatysqany úshin qylmystyq jaýapkershilik qarastyrylǵanyn eskertti, dep habarlaıdy “Adyrna” ulttyq portaly IIM baspasóz qyzmetine siltep.
Sońǵy ýaqytta áleýmettik jelilerde shetel memleketteriniń Qarýly kúshterimen kelisimshartqa otyryp, aqsha tabýǵa shaqyratyn jarnamalar men beınerolıkter tarap jatyr. Mınıstrlik bul áreketterdiń zańsyz ekenin eskertedi.
- 172-bap — eger Qazaqstan azamaty shet memlekettiń aýmaǵynda bolyp jatqan soǵysqa nemese qarýly qaqtyǵysqa zańsyz qatyssa (jaldamaly bolmasa da), 5 jyldan 9 jylǵa deıin bas bostandyǵynan aıyrý jazasy qarastyrylǵan.
170-bap – eger azamat jaldamaly retinde soǵysqa qatyssa, onda árekettiń aýyrlyǵyna qaraı 7 jyldan bastap ómir boıyna deıin bas bostandyǵynan aıyrý, sondaı-aq azamattyǵynan aıyrý jáne múlkin tárkileý jazalary qoldanylýy múmkin.
IIM azamattardy QR zańnamasyn qatań saqtaýǵa jáne aýyr quqyqtyq saldarǵa ákeletin áreketterden aýlaq bolýǵa shaqyrady.
