Qazaqstanda shetel azamattary úshin benzın men dızel otynyna táýliktik shekteý engiziledi, dep habarlaıdy "Adyrna" ulttyq portaly zan.gov.kz-ke siltep.
Jańa bólshek saýda baǵasy 17 mamyrdan bastap engiziledi.
Ózgerister QR Energetıka mınıstri engizgen janarmaı qunyn retteıtin túzetýler nátıjesinde engizilip otyr. Jarııalanǵan qaýlyǵa sáıkes qosylǵan qun salyǵy eskerilip, shekti baǵalar belgilengen.
- Aı-80 markaly benzın – sheteldik azamattarǵa 1 lıtr úshin 89 teńge;
- Aı-92 jáne Aı-93 markaly benzın – sheteldik azamattarǵa 1 lıtr úshin 245 teńge;
- Qazaqstanda berilgen júrgizýshi kýáligin kórsetken kezde 1 táýligine 100 lıtrge deıingi kólemde – 1 lıtr úshin 205 teńge;
- Qazaqstanda berilgen júrgizýshi kýáligin jáne motoıklderge, jeńil, júk, arnaıy, mamandandyrylǵan avtomobılder men avtobýstarǵa kólik quralyn tirkeý týraly kýálikti kórsetken kezde 1 táýligine 300 lıtrge deıingi kólemde – 1 lıtr úshin 205 teńge;
Al qosylǵan qun salyǵyn qosqanda dızel otynynyń quny:
- dızel otyny (jazǵy, maýsymaralyq) – sheteldik azamattarǵa 1 lıtr úshin 315 teńge;
- Qazaqstanda berilgen júrgizýshi kýáligin kórsetken kezde 1 táýligine 100 lıtrge deıingi kólemde – 1 lıtr úshin 295 teńge;
- Qazaqstanda berilgen júrgizýshi kýáligin jáne júk, arnaıy, mamandandyrylǵan avtomobılder men avtobýstarǵa kólik quralyn tirkeý týraly kýálikti kórsetken kezde 1 táýligine 300 lıtrge deıingi kólemde – 1 lıtr úshin 295 teńge.
