Ishki ister mınıstrliginde erlikpen qaza tapqan qyzmetkerler men ardagerlerdiń esimi ulyqtaldy, dep habarlaıdy "Adyrna" ulttyq portaly
"Otan qorǵaýshylar men Jeńis kúni – rýhy jaǵynan bir-birin tolyqtyratyn, urpaqqa sabaq bolatyn qos tarıhı kúnder. Keshegi jaý oǵynan qorǵaǵan maıdangerler, tyl eńbekkerleri jáne beıbit zaman batyrlarynyń erlikterin umytpaý – bizdiń qasterli boryshymyz!" – dedi ishki ister mınıstri Erjan Sadenov.
Merekelik sharada Uly Otan soǵysynda erlik kórsetken ardager Qurmat Rahımov “Qurmet” ordenimen marapattaldy. Eldi jýdan qorǵaǵan aqsaqal búginde 100 jasqa tolyp otyr.
Odan bólek, Táýelsizdik jyldary qyzmet babynda ishki ister organdarynyń 800-den astam qyzmetkeri kóz jumǵany anyqtaldy. Sonyń biri 1993 jyly polıııa ǵımaratyna jasalǵan qarýly shabýylǵa toıtarys berý kezinde qaza tapqan Ishki ister basqarmasynyń aǵa ınspektory Anatolıı Dobrynın. Sondaı-aq janyndaǵy áriptesi Serik Orazalın de erlik kórsetken. Qos ofıerdiń áreketi joǵary baǵalanyp, memlekettik nagradalar batyrlardyń áýletine tek 31 jyldan keıin jetti.
"Biz bul jumysty jalǵastyramyz. Arhıvterdi zerdeleımiz. Erlikteri baǵalanbaı, kóleńkede qalyp qoıǵan batyrlardyń esimderin ulyqtaıtyn bolamyz!" – dedi Erjan Sadenov.
