Qyrǵyzstannyń Sozaq aýdanyndaǵy 29 oqýshyny qaǵyp ketken júk kóliginiń júrgizýshisi ustaldy. Bul týraly eldiń Ishki ister mınıstrligi aıtty, dep habarlaıdy «Adyrna» tilshisi.
Kúdiktiniń 48 jastaǵy jergilikti turǵyn ekeni anyqtaldy. Er adam kóligin turaqqa qoıǵan, alaıda onyń qozǵaltqyshyn óshirmegen. Saldarynan «Porter» júk kóligi yldıǵa qaraı quldılap, balalardy qaǵyp ketken.
Densaýlyq saqtaý mınıstrligi zardap shekkender sanynyń 25-ten 32-ge deıin óskenin málimdedi. Olardyń arasynda bir muǵalim bar. Aýrýhanadaǵy 9 balanyń tórteýi jansaqtaý bóliminde jatyr, jaǵdaıy aýyr.
Aıta keteıik, oqys oqıǵa 2 mamyr kúni Jalalabad oblysynda bolǵan edi. Qazirgi tańda bul isti Ulttyq qaýipsizdik memlekettik komıtetiniń basshysy Qamshybek Tashıev pen IIM basshysynyń orynbasary Oktıabr Ýrmanbetov baqylaýǵa aldy.
