Belgili aqyn Serikzat Dúısenǵazy ulynyń qazasyna qatysty sot sheshimi shyqty. 12 mamyr kúni Aqmola oblystyq soty qaýipsizdik erejeleriniń saqtalmaýy saldarynan demalýshy qaza bolǵan «Elikti» taý shańǵysy bazasynyń basshysyn 4 jylǵa bas bostandyǵynan aıyrdy, dep habarlaıdy «Adyrna» tilshisi.
Sotta jasóspirimniń trassaǵa nusqaýsyz jáne qaýipsizdik erejelerin túsindirýsiz shyǵarylǵany, onda qozǵalys belgileri, qorǵanys torlary, eskertý belgileri, qorǵanys tósenishteri, aǵashtardyń aldyndaǵy qorshaýlar bolmaǵany anyqtaldy. Sonymen birge, shańǵy bazasynda medıınalyq personal, kútpegen jaǵdaılar týyndaǵan kezde is-qımyl algorıtmi, taý shańǵysy trassasy men aspaly joldy paıdalanýǵa ruqsat berý qujattary joq bolyp shyqty.
Jaza taǵaıyndaý kezinde sot sottalýshynyń jas balasynyń bolýyn eskerip, qylmystyq jaýapkershilikti jeńildetken.
«Zerendi aýdandyq sotynyń úkimimen taý shańǵysy bazasynyń dırektoryna qyzmet kórsetý salasynda 3 jylǵa aınalysý quqyǵynan aıyra otyryp, 4 jylǵa bas bostandyǵynan aıyrý jazasy taǵaıyndaldy», - dedi vedomstvodan.
Budan bólek, sottalýshydan japa shekken eki adamnyń paıdasyna árqaısysyna 10 000 000teńgeden, qaıtys bolǵan adamnyń paıdasyna-3 000 000 teńgeden moraldyq zııan, keltirilgen materıaldyq zalal óndirilip aldy. Sot aktisi zańdy kúshine engen joq.
Eske salaıyq, byltyr 2 qańtarda «Elikti» taý shańǵy bazasynda Serikzat Dúısenǵazyny 16 jastaǵy uly Álıhan aǵashqa soǵylyp, kóz jumǵan edi.
