Memleket basshysy Qasym-Jomart Toqaev Qazaqstan halqyn Birlik kúnimen quttyqtady, - dep habarlaıdy “Adyrna” ulttyq portaly Aqordanyń baspasóz qyzmetine silteme jasap.
Prezıdent el birligi, ásirese, qıyn-qystaý sátterde synalatynyn atap ótti.
«Bul – tatýlyq pen tynyshtyqtyń, turaqtylyq pen beıbitshiliktiń sımvoly sanalatyn mereıli mereke.
Qazaq jerin meken etken san alýan etnostyń mádenıeti, dini men dástúri ózara úndesip, biregeı órkenıetke aınaldy. Búginde elimizdiń barsha azamattary birtutas ult bolyp Ádiletti Qazaqstandy quryp jatyr.
Halqymyz jasampazdyq pen jańashyldyq, eńbekqorlyq pen bilimpazdyq, janashyrlyq pen jaýapkershilik sııaqty asyl qasıetteriniń arqasynda ósip-órkendeı beredi dep senemin.
Barshańyzǵa zor densaýlyq, tolaǵaı tabys tileımin!
Ár shańyraqqa qut-bereke darysyn!», - dedi Memleket basshysy.
