Túrkistan oblysynda balabaqsha qyzmetkeri balalardy eden jýǵyshpen sabaǵany belgili boldy, dep habarlaıdy "Adyrna" ulttyq portaly.
Is qozǵaýǵa sebep bolǵan oqıǵa baqylaý kameralarynyń jazbalaryna túsip qalǵan. Beınede áıeldiń balalardy eden jýǵyshpen urǵanyn kórýge bolady. Endi ol 3 jylǵa deıin bas bostandyǵynan aıyrylýy múmkin.
Anyqtalǵandaı, tórt balabaqshada qyzmetkerler balalarǵa kúsh kórsetken.
Keles aýdanynyń prokýratýra qyzmetkerleri mektepke deıingi mekemelerdegi balalardyń qalaı tamaqtanatynyn jáne qandaı jaǵdaıda tárbıelenip jatqanyn teksermek.
«Biz mektepke deıingi mekemelerde balalardyń quqyqtaryn saqtaý úshin barlyq sharalardy qabyldaımyz. Qazir 97 balabaqshanyń tek 6-ýy ǵana tekserildi. Biz tekserýdi 20 kúnnen keıin aıaqtaımyz», - dedi Keles aýdanynyń prokýrory Nurlan Eshenqulov.
