Túrkistan oblysy qoǵamdyq damý basqarmasy “Jastar resýrstyq ortalyǵy” KMM-niń uıymdastyrýymen “BASTAU Talks” qoǵamdyq lekııasy aıasynda Astana qalasy, QMDB-nyń “Yryskeldi qajy” meshitiniń Bas ımamy, teolog, dintanýshy Nurlan Baıjigituly jáne “Din máselelerin zertteý ortalyǵy” KMM-niń dırektory Medet Muzapbaruly Túrkistan qalasynyń jastarymen kezdesti.
Kezdesý maqsaty - jastarǵa tálim-tárbıe, rýhanı baǵyt-baǵdar berý, kóshbasshylyq qabiletterin damytý, óskeleń urpaqty belsendi jáne jaýapty azamat etip qalyptastyrý. Sonymen qatar, dúnıetanymy, ózindik kózqarasy qalyptasqan sanaly azamat etip tárbıeleý, óz eliniń damýyna úles qosý arqyly otanyna, týǵan jerine degen súıispenshiligin arttyrý.
Jıynǵa Túrkistan oblysy qoǵamdyq damý basqarmasy “Jastar resýrstyq ortalyǵy” KMM-niń basshy orynbasary Perdebek Serjanuly moderatorlyq etti.
Kezdesý barysynda spıkerler birqatar keleli máselelerdi qozǵap, jastardyń qyzyǵýshylyǵyn týdyratyn ózekti taqyryptarda áńgime órbitti. Kezdesýden keıin qatysýshylarmen suraq-jaýap almasyp, jastar ózderiniń kókeılerinde júrgen saýaldaryn qoıyp, spıkerlerden naqty jaýaptar aldy.
“BASTAU Talks” qoǵamdyq lekııasy – jastar úshin erekshe múmkindik. Bul joba kóptegen jetistikke jetken bilikti tulǵalardyń ómirlik tájirıbesi men jetistikke jetý jolyn jastarǵa úlgi etk otyryp, motıvaııa berip, damytý, tyń aqparat alýǵa baǵyttalǵan. Jastar úshin mundaı kezdesýlerdiń mańyzy zor. Sebebi olar qoǵamnyń bolashaǵyn qalyptastyratyn jańa býyn.
