Ulttyq quryltaıdyń tórtinshi otyrysy Kókshetaýda ótedi, dep habarlaıdy "Adyrna" tilshisi.
Bul týraly Memleket basshysy Qasym-Jomart Toqaev málimdedi.
"Shyn máninde, mundaı alqaly jıyndardy aımaqtarda ótkizýdiń mán-mańyzy zor. Sol arqyly oblystardyń damýyna tyń serpin beremiz. Osy úrdis aldaǵy ýaqytta da jalǵasyn tabady. Áıgili Qasym han Saraıshyqta, Abylaı han Býrabaıda ordasyn tikkeni belgili. Esildiń boıynda Kenesary han memlekettigimizdi saqtap qalý úshin talaı joryqqa shyqqan. Bul aımaq tól shejiremizde aıryqsha oryn alady. Sondyqtan Ulttyq Quryltaıdyń tórtinshi otyrysyn kelesi jyly Kókshetaýda ótkizýdi usynamyn", - dedi Toqaev.
Eske sala keteıik, Ulttyq quryltaıdyń alǵashqy otyrysy 16 maýsymda jańadan qurylǵan Ulytaý oblysynda ótken. Al ekinshi otyrysy Túrkistanda ótse, úshinshi otyrysy Atyraýda boldy.