Qazaq balalaryna babalarynyń kim bolǵanyn tanytatyn qundy kitaptar jaryq kórdi, dep habarlaıdy "Adyrna" ulttyq portaly.
Bul jaıly áleýmettik jelide ekonomıst, qoǵam belsendisi, baspager Shyńǵys Muqan málimdedi.
- Balalarymyz babalaryn tanyp óskeni jón. Bolar balanyń armany bolady, ony iske asyrý úshin maqsat qoıady, oǵan jetetin jospar jasaıdy, úlgi tutar tulǵalary bolady, olarǵa uqsap baǵady. Qazaqtyń saıyn dalasy, búginimiz ózdiginen bola salǵan joq. Ár qadym jerimizdiń, ár jetken jetistiktiń artynda belgili bar tulǵalar tur. Kóbiniń aty óshti. Biz biletin tulǵalar aısbergtiń ushy ǵana. Olar týraly kitaptar jazylmaı jatqan joq, biraq az tırajben tarap, kitaphanalarǵa ǵana jetedi, naryqta joq. Alaıda kóbi eresek oqyrmanǵa arnalǵan, - dep jazdy avtor.
Munymen qosa alǵanda, Shyńǵys Muqan jaryqqa shyqqan kitaptardyń rýhanı qundylyǵy men mańyzdylyǵyna toqtaldy:
- Al uly tulǵalary týraly balalar men jasóspirimderge arnalǵan kitap joqtyń qasy. Osy olqylyqty toltyrmaq bolyp Mazmundama “Ol kim?” serııasyn qolǵa aldy. Uıymshyl ujymymyz byltyr “Ahmet Baıtursynuly kim?” kitabyn shyǵardy, bıyl “Álıhan Bókeıhan kim?”, “Qanysh Sátbaev kim?”, “Qajymuqan Muńaıtpasuly kim?” shyqty. Bul kitaptardyń avtory belgili balalar jazýshysy, jýrnalıst Serikbol Hasan, - dedi ol.
Kitaptardyń tusaýy Almatydaǵy Jambyl atyndaǵy jasóspirimder kitaphanasynd kesildi.
"Adyrna" ulttyq portaly
