Qasym-Jomart Toqaev Qazaqstannyŋ ekonomikalyq äleuetı men investisiialyq tartymdylyǧyn arttyru üşın AQŞ-qa arnaiy bardy. Issapar barysynda Microsoft, Coursera, StartX, Amazon, Pfizer, Medtronic, Netflix sekıldı ırı kompaniia basşylary jäne AQŞ-taǧy qazaq jastarymen kezdesu ötkızdı, dep jazady "Adyrna" ūlttyq portaly.
Jastarmen kezdesu barysynda Prezidenttıŋ "Google" kompaniiasynda qyzmet atqaratyn qazaq qyzmen jürgızgen sūhbaty el nazaryna ılıkken.
- Halyqaralyq aqparattyq tehnologiialar universitetınde kompiuter salasynan bakalavr därejesın alyp, 2018 jyly San-Fransiskoǧa keldım. Bırqatar startap kompaniialarda jūmys ıstedım. Bügınde "Google" kompaniiasynda virtualdy maşinalar baǧdarlamaşysy bolyp kelemın, - dedı jas maman.El prezidentı qazaq qyzynan "Google" kompaniiasyndaǧy qyzmetınıŋ ūzaq ne qysqa merzımdı ekendıgın sūrai kele:
-Elge qaityp kelseŋız sızdı kömekke şaqyramyn. Bailanysta bolamyz ǧoi, endı. Amerika degen jaqsy, bıraq qyzmetıŋızdı Qazaqstan müddesıne ısteŋız, - dep jauap qatady.Esterıŋızge sala keteiık, el basşysy AQŞ-ta energetika, auyl şaruaşylyǧy, önerkäsıp, kölık-logistika, sifrlandyru, qarjy jäne jaŋartylatyn energiia közderı salalaryndaǧy bırlesken investisiialyq jobalardy ortaǧa salyp, ekıjaqty kelısözder jürgızıp jatyr.
"Adyrna" ūlttyq portaly
Ūqsas jaŋalyqtar
