Ál-Farabı atyndaǵy Qazaq ulttyq ýnıversıtetinde kórnekti ǵalym, etnograf, túrkitanýshy Edige Tursynovtyń týǵanyna 80 jyl tolýyna arnalǵan halyqaralyq ǵylymı-teorııalyq konferenııa ótti. «Edige Tursynovtyń ǵylymı murasy qazirgi gýmanıtarlyq ǵylymdardyń ádisnamalyq konteksinde» degen ataýmen uıymdastyrylǵan sharaǵa otandyq jáne sheteldik fılolog-ǵalymdar, oqytýshy-professorlar men stýdent jastar qatysty.
Alqaly jıynda QazUÝ-dyń Basqarma Tóraǵasy – Rektory Janseıit Túımebaevtyń konferenııa qatysýshylaryna arnalǵan quttyqtaý haty oqyldy. «Ǵalymnyń «Qazaqtyń turmystyq ertegileriniń genezısi», «Qazaq aýyz ádebıetin jasaýshylardyń baıyrǵy ókilderi» syndy irgeli zertteýleri Qazaqstanda ǵana emes, shetelde de moıyndalyp, úlken suranysqa ıe boldy. Bul eńbekterinde qazaq ǵalymy alǵash ret Sibir jáne túrki-mońǵol halyqtarynyń myńjyldyq salt-dástúrlerin, ádet-ǵurpyn, epostary men aýyz ádebıetin, tilin, mýzykasyn jańa ǵylymı ustanymdar turǵysynan zerttedi», – delindi quttyqtaý hatta.
Jambyl atyndaǵy Qazaq folklory men ádebıetin ǵylymı-zertteý ortalyǵynyń dırektory Almasbek Máýlenov óz sózinde Edige Dáriǵululynyń túrki-mońǵol folklory, epostaný, mıfologııa jáne etnografııany zertteýge baǵa jetpes úles qosqanyn jetkizdi. Ǵalymnyń ǵylymı-ádistemelik qaǵıdattary búginde túrki-mońǵol folklortanýy, mýzykataný, etnopsıhologııa, etnografııa jáne epostaný sııaqty birqatar gýmanıtarlyq ǵylymdardy zertteýde keńinen qoldanylatynyn alǵa tartty.
Sondaı-aq jıynda kórnekti jazýshy, mádenıettanýshy ǵalym Murat Áýezov, M.Áýezov atyndaǵy Ádebıet jáne óner ınstıtýtynyń bas dırektory Kenjehan Matyjanov, Q.A.Iasaýı atyndaǵy HQTÝ professory Shákir Ybyraev, Qyrǵyz Respýblıkasy Prezıdenti janyndaǵy ulttyq komıssııa tóraǵasynyń orynbasary Jyldyz Orozobekova jáne ózge de qurmetti qonaqtar sóz sóılep, ǵalymnyń ómir jáne eńbek jolyna toqtaldy.
Plenarlyq jıynnan soń konferenııa sekııalyq otyrystarǵa jalǵasty. Onda Edige Tursynov eńbekteriniń ulttyq jáne álemdik ǵylymı keńistiktegi tarıhı-mádenı mańyzy, ǵalymnyń keshendi-konentrıstik kózqarasy jáne qazirgi ǵylymı gýmanıtarlyq bilimdi zertteýdegi ádisnamalyq máseleler saralandy. Sondaı-aq qazirgi bilim berý proesi: ıfrlandyrý jaǵdaıynda ǵalymnyń jetistikterin mektep jáne ýnıversıtet bilimine engizý jáne bilim berý mazmunyn jańartý máseleleri talqylandy.
Ál-Farabı atyndaǵy QazUÝ-dyń Baspasóz qyzmeti
"Adyrna" ulttyq portaly
