Mańǵystaý oblysy Jańaózen qalasynda «Mýnaıspesnab» jumysshylary narazylyq akııasyna shyǵyp, Qazaqstan prezıdenti Qasym-Jomart Toqaevqa úndeý jasady. Bul týraly áleýmettik jelide vıdeolar tarady, dep habarlaıdy “Adyrna” ulttyq portaly.
Vıdeoda jumysshylar jumysyn qalpyna keltirýdi talap etken.
«2023 jyly 1 qańtar. «Qazaqstan Respýblıkasynyń prezıdenti Qasym-Jomart Toqaev, QazMunaıGaz basshy quramyna, Ózenmunaıgaz basshy quramy Maqsat Ibaǵarovqa, Mańǵystaý oblysynyń ákimi Nurlan Noǵaevqa úndeý: Qazirgi tańda bizdiń jumysymyzdyń toqtaýyna baılanysty burynǵy tender boıynsha jumysymyzdy qalpyna keltirýdi suraımyz», - deıdi jumysshylar.
Sonymen qatar, olar Ózenmunaıgaz kompanııasyna qarasty mekemelerge «Mýnaıspesnab» jumysshylarynyń atynan joldama berýin suraıdy.
