Atyraýda 8 jasar oqýshy ózenge batqan eki jasóspirimdi qutqardy. Bul týraly Atyraý oblystyq polıııa departamenti málimdedi. Qutqarǵan sát vıdeoǵa túsip qalǵan, dep habarlaıdy “Adyrna” ulttyq portaly.
Málimet boıynsha, 3 jeltoqsanda kámeletke tolmaǵan eki 14 jáne 9 jastaǵy jasóspirimder «Jumysker» yqsham aýdanyndaǵy kópirdiń janynda muz ústinde oınap júrgen. Kenetten muz jarylyp, balalar sýǵa batýǵa shaq qalǵan. Dinmuhammed oılanbastan kómekke jetip, basyn qaterge tigip, jigitterdi muzdaı sýdan alyp shyqty.
“Sýǵa batyp bara jatqan balalardy kórgende, meniń jalǵyz oıym olardy qutqarý boldy, óıtkeni aǵys qatty. Men oılanbastan muzdyń oıyǵyna júgirip baryp, eki balany sýdan alyp shyqtym. Men olardy qutqarý úshin qoldan kelgenniń bárin jasadym”, - deıdi 8 jasar Dinmuhammed.
Keıin oqıǵa ornyna jetken polıııa qyzmetkerleri balalarǵa kómektesip, olardy aman-esen ata-analaryna tapsyrdy.
“Men Dinmuhammedke balamdy ólimnen aman alyp qalǵan batyl áreketi men janashyrlyq sezimi úshin erekshe alǵys aıtqym keledi. Ol bolmaǵanda munyń sońy qalaı bolaryn kim bilsin?! Ol osyndaı batyldyǵy úshin úlken qurmetke laıyq. Men de ózimniń alǵysymdy bildiremin. erjúrek, abzal ul tárbıelep ósirgen ata-anasyna myń alǵys. Eń bastysy deni saý bolyp óssin”, - deıdi qutqarylǵan 9 jasar balanyń anasy.
Aıta keteıik, polıııa qyzmetkerleri muzdyń áli juqa ekenin jáne onyń ústi óte qaýipti ekenin eskertedi. Sondaı-aq, kámeletke tolmaǵan balalardyń ata-analaryn balalaryn qadaǵalaýǵa shaqyrady.
