«Ken oryndary vs kolledjder»: Senator Jūmaǧūlovtyŋ ielıgınde taǧy ne bar?

16089
Adyrna.kz Telegram
https://adyrna.kz/content/uploads/2022/09/photo1662130244-8.jpeg
Adyrna.kz redaksiiasy arnaiy zertteu jürgızıp, būrynǧy Bılım jäne ǧylym ministrı, qazırgı Senat deputaty Baqytjan Jūmaǧūlov pen onyŋ otbasyna tiesılı bırqatar «jasyryn biznesterın» äşkere ettı. Keŋes odaǧy qūlaǧan soŋ, joǧarǧy oqu oryndaryn jekeşelendırıp, biznes közıne ainaldyrǧan şendılerdıŋ qatarynda Baqytjan Jūmaǧūlov pen onyŋ otbasy bar. Eŋbek jolyn orta mektepte mūǧalımdıkten bastaǧan Baqytjan Jūmaǧūlov Qazaqstannyŋ eks-prezidentı Nūrsūltan Nazarbaevtyŋ jaqyn serıgı bolǧan. QR Bılım jäne ǧylym bırınşı vise-ministrı, QR Prezidentı Äkımşılıgınıŋ Işkı saiasat bölımınıŋ meŋgeruşısı, QR Ükımetınıŋ Äleumettık-mädeni damu bölımınıŋ meŋgeruşısı boldy (2001–2005 jj.). 2005 jyly «Otan» RKP Töraǧasy N.Ä.Nazarbaev partiia töraǧasynyŋ mındetın atqardy, N.Ä. Nazarbaevtyŋ respublikalyq qoǧamdyq ştabyn basqardy, 2007 jyly «Nūr Otan» HDP töraǧasynyŋ bırınşı orynbasary bolyp taǧaiyndaldy. Jūmaǧūlov elımızdegı eŋ ırı oqu orny – Äl-Farabi atyndaǧy Qazaq ūlttyq universitetınıŋ rektory qyzmetın atqardy, QR Parlamentı Mäjılısı töraǧasynyŋ orynbasary, «Nūr Otan» fraksiiasynyŋ jetekşısı qyzmetın atqardy. Ol 2010-2013 jyldary QR Bılım jäne ǧylym ministrı bolyp tūrǧan tūsta elımızdegı bırqatar bılım ordalaryn öz äuletınıŋ qaramaǧyna ötkızdı. 2017 jyldan bastap QR Parlamentı Senatynyŋ deputaty bolyp otyrǧan Baqytjan Jūmaǧūlov pen onyŋ otbasynyŋ ielıgınde bügınde ne bar? Bırge qyzyqtap oqyp, körelık.  

BIRNEŞE OQU ORNYN BASYP ALǦAN OTBASY

 

 

ÄIELI QAZAQSTAN İNJENERLIK-TEHNOLOGİIаLYQ UNİVERSİTETINE İELIK ETEDI

Baqytjan Jūmaǧūlovtyŋ äielı Valentina Jūmaǧūlova Qazaqstan injenerlık-tehnologiialyq universitetıne ielık etetın jalǧyz qūryltaişy. Bılım ordasy 2010-2022 jyldar aralyǧynda biudjetke - 360 million teŋgege juyq salyq qūiǧan.     2010 jyly - 8 million teŋge salyq tölese, 12 jyldan keiın būl körsetkış 7 ese artyp, universitet biylǧy jyldyŋ özınde el qazynasyna - 55 million teŋgege juyq salyq tölep ülgergen. 20% kölemınde salyq salynsa, demek universitettıŋ 2010-2022 jj. taza tabysy - 1 milliard 800 million teŋgenı qūraidy. Joǧarydaǧy grafikten Jūmaǧūlovtyŋ äielıne tiesılı Qazaqstan injenerlık-tehnologiialyq universitetı men memleket arasynda jasalǧan kelısım-şart dinamikasynyŋ jyldan jylǧa ösıp otyrǧanyn baiqauǧa bolady. Bügınde kelısım-şart somasy - 1 milliard 152 million teŋgenı qūrap otyr.  

ŪLY BIRQATAR ALPAUYT KOMPANİIаLARDY İEMDENIP OTYR

Bärınen de senatordyŋ ūly - Ruslan Baqytjanūlyna tiesılı «alpauyt kompaniialar» köpşılıktıŋ qyzyǧuşylyǧyn tudyrary sözsız.     2015 jylǧy 2 nauryzdan bastap Ruslan Baqytjanūly basqaratyn Kökpektı auylynan 25 şaqyrym jerde ornalasqan «TOLAǦAI-KEN» JŞS memleket biudjetıne qomaqty salyq tölep otyrǧan ırgelı käsıporyn ekenı anyqtaldy.     Baǧaly metaldar men sirek kezdesetın metall kenderın öndıru önerkäsıbı 2015-2022 jyldar aralyǧynda el qazynasyna 89 million teŋgeden astam salyq qūiǧan. 2015 jyly biudjetke bar bolǧany 350 myŋ teŋge salyq tölese, 2022 jyly būl körsetkış 66 ese artyp, biylǧy jyldyŋ özınde 23 million teŋge salyq tölegen. 20% kölemınde salyq salynsa, demek alpauyt kompaniianyŋ 2015-2022 jj. taza tabysy - 445 million teŋgenı qūraidy.  

«SKARC LTD»  JEKE KOMPANİIаSY

«Tolaǧai KEN» JŞS-nıŋ jalǧyz qūryltaişysy - «SKARC LTD» jeke kompaniiasy dep körsetılgen. Būl kompaniianyŋ da basşysy – Ruslan Jūmaǧūlov.   Aşyq derekközderge säikes 2019  jyldyŋ 25 jeltoqsanynda qūrylǧan «SKARC LTD» jeke kompaniiasy  - Şveisariia qarjy qorymen bırlesıp eldıŋ geologiialyq barlauyna ırı şeteldık investorlardy tartu boiynşa qūrylǧan Halyqaralyq investisiialyq kompaniia. 2020-2022 jyldar aralyǧynda memleket qazynasyna 32 million teŋgeden astam salyq qūiǧan. 20% kölemınde salyq salynsa, demek kompaniianyŋ 2020-2022 jj. taza tabysy - 160 million teŋgenı qūraidy.  

«EMIRATES KAZAKHSTAN EDUCATION INVESTMENT GROUP» JŞS

Senatordyŋ ūly şeteldık investorlardy tartudy közdeitın taǧy bır alpauyt kompaniiaǧa ielık etetını anyqtaldy. Ruslan Baqytjanūly basqaratyn «Emirates Kazakhstan Education Investment Group» JŞS 2017 jyldyŋ 5 mamyrynan bastap jūmys ısteidı. Aşyq derekközderge süiensek, atalmyş kompaniia elımızde aǧylşyn tılınde bılım berudı qamtamasyz etetın joǧary sapaly jeke mektepterge degen sūranystyŋ artuyna bailanysty Qazaqstanǧa şeteldık investorlardy tartyp, zaman talabyna sai halyqaralyq mektepter saludy közdeidı.    
Esterıŋızge sala keteiık, juyrda elorda äkımı Altai Kölgınov te özınıŋ instagram paraqşasynda "Ata-analar tarapynan da jeke mektepterge degen sūranys bar. Mysaly, "Emirates Global Education Group" kompaniiasynyŋ ökılderımen kezdestık. Olar öz qarajaty esebınen elordada "Sabis" halyqaralyq mektebı men balabaqşa salyp jatyr. Jalpy sany 3 200 oquşyǧa arnalady. Būl mekteptı kelesı jyly aşudy josparlap otyrmyz" degen jazba qaldyrǧan.
Kompaniia 2017-2022 jyldar aralyǧynda biudjetke 96 million teŋgeden astam salyq qūiǧan. 2017 jyly el qazynasyna bar bolǧany 252 myŋ teŋge salyq tölese, 2022 jyly – 16 million teŋgeden astam salyq tölep otyr. 20% kölemınde salyq salynsa, demek kompaniianyŋ 2017-2022 jj. taza tabysy - 480 million teŋgenı qūraidy.  

QAZAQSTAN İNJENERLIK-TEHNOLOGİIаLYQ UNİVERSİTETINIŊ JANYNDAǦY KOLLEDJ

Senatordyŋ äielı joǧaryda atap ötkenımızdei, Qazaqstan injenerlık-tehnologiialyq universitetınıŋ qūryltaişysy bolsa, ūly - Ruslan  Jūmaǧūlov 2020 jyldyŋ 30 säuırınde tırkeuden ötken Qazaqstan injenerlık-tehnologiialyq universitetınıŋ janyndaǧy kolledjdıŋ basty qūryltaişysy eken.   Kolledj 2021-2022 jyldar aralyǧynda memleket qazynasyna 31 million teŋgege juyq salyq qūidy. 20% kölemınde salyq salynsa, demek kolledjdıŋ 2021-2022 jj. taza tabysy - 155 million teŋgenı qūraidy.  

«MED KÖMEK» MEDİSİNALYQ ORTALYǦY

Baqytjan Jūmaǧūlovtyŋ ūly būnymen toqtaǧan joq.  Bılım beru salasymen qatar densaulyq salasyn da qatar alyp jür eken. Ruslan Jūmaǧūlov 2009 jylǧy 24  säuırden bastap  «MED KÖMEK» medisinalyq ortalyǧyna ielık etıp keledı. 2014-2021 jyldar aralyǧynda el qazynasyna 13 million teŋgeden astam salyq töleptı. Eŋ qyzyǧy, medisinalyq ortalyq 2015 jyly biudjetke – 9 million teŋgeden astam teŋge qūisa, 2018 jyly – 114 myŋ teŋge ǧana qūiǧan. Odan keiıngı jyldary salyq kölemı tıpten azaiyp, 2019 jyly - 36 myŋ, 2020 jyly – 0 teŋge, 2021 jyly – 6100 teŋge, 2022 jyly  taǧy da 0 teŋge. Demek, bügıngı künı atalmyş medisinalyq ortalyq öz jūmysyn uaqytşa toqtatsa kerek. Ol jaǧy bızge äzırge beimälım.  

SENATORDYŊ QYZY AKKREDİTTEU ORGANDARYNA BASŞYLYQ ETEDI 

Jūmaǧūlovtar äuletı «bılım ordalaryn basyp alyp» qana qoimai, JOO-nyŋ bılım beru baǧdarlamalary qanşalyqty halyqaralyq standart talaptaryna säikes keletının arnaiy tekseretın «akkreditteu organdaryn» aşyp, odan da qyruar aqşa jasauǧa köşken.   Bügınde senatordyŋ qyzy Alina Jūmaǧūlova basqaratyn «Akkreditteu jäne reiting täuelsız agenttıgı» 2011 jyldyŋ 24 qaraşa künı qūrylǧan. Qūrylǧan sätınen bastap basty qūryltaişysy - Valentina Jūmaǧūlova, al basşysy – Alina Jūmaǧūlovanyŋ özı.     Universitetterdıŋ bılım sapasyn baǧalaityn agenttık 2013-2022 jyldar aralyǧynda memleket qazynasyna 702 million teŋge kölemınde salyq tölegen. 2013 jyly biudjetke 4 million teŋgeden astam salyq qūisa, 8 jyldan keiın būl körsetkış 25 ese artyp, 2022 jyly biudjetke 111 million teŋgeden astam salyq tölegen. 20% kölemınde salyq salynsa, demek akkreditteu agenttıgınıŋ 2013-2022 jj. taza tabysy - 3 milliard 510 million teŋgenı qūraidy.  

«AKKREDİTTEU-REITİNGT TÄUELSIZ AGENTTIGI» JŞS

Deputattyŋ qyzy būnymen şektelmei, 2018 jyldyŋ 10 tamyzynda taǧy bır «Akkreditteu-reitingt täuelsız agenttıgı» JŞS qūrady.  Agenttık basşysy - Alina Jūmaǧūlovanyŋ özı, al qūryltaişysy retınde Baǧdat Medetov degen azamat körsetılgen. 2018-2022 jyldar aralyǧynda memleket qazynasyna 15 million teŋgeden astam salyq tölegen. 2018 jyly – 41 myŋ teŋge ǧana salyq qūisa, 2021 jyly – 6,3 million teŋgeden astam, al biyl biudjetke – 3,7 million teŋgeden astam salyq qūiǧan. 20% kölemınde salyq salynsa, demek akkreditteu agenttıgınıŋ 2018-2022 jj. taza tabysy - 75 million teŋgenı qūraidy. Sonymen qosa Alina Jūmaǧūlovanyŋ «ALDATE» JŞS, «İNTER BEK» JŞS qūryltaişysy ekenı anyqtaldy.
Esterıŋızge sala keteiık, Halyqaralyq biznes basylymy FT (Financial Times) Qazaqstannyŋ 55 paiyz bailyǧy 162 adamǧa tiesılı ekenın anyqtaǧan bolatyn. Olardyŋ köpşılıgı Qazaqstannyŋ eks prezidentı Nūrsūltan Nazarbaevpen bailanysty ekenı de belgılı. "Jaŋa, Ädılettı Qazaqstan" qūramyz dep uäde etken Memleket basşysy Qasym-Jomart Toqaev ta būryn Qazaqstannan zaŋsyz şyǧarylǧan aktivter men qarajatty elge qaitaru prosesterı jürıp jatqanyn habarlaǧan edı. Osyǧan orai şeneunıkterdıŋ zaŋsyz jekeşelendırıp alǧan mülıkterın memleket menşıgıne qaitarumen ainalysatyn arnaiy komissiia  qūrǧanyn da mälımdegen bolatyn. Alaida, 2022 jylǧy qaŋtar aiynan bastap bız tek Nazarbaev äuletıne jaqyn adamdardyŋ ǧana aktivterınıŋ bıraz bölıgı elge qaityp jatqany jaily aqparat aldyq. Al qalǧan memlekettık qyzmetkerler şe? Demek olarǧa zaŋ jürmeidı me?
Osyǧan deiın Adyrna.kz ūlttyq portalyna belgılı saiasatker Dos Köşım sūhbat berıp,  "Tek Nazarbaevtyŋ tuǧan-tuysqandary, jaqyndary, qyzdary, küieu balalary Qazaqstandy tonady. Tek solar ǧana qylmysker. Basqa bärımız sütten aq, sudan tazamyz” degenge men eşqaşan senbeimın. Tonaǧandardyŋ bärı - memleket qyzmetkerlerınıŋ, sot jüiesınıŋ kömegıne süiengenı aidan anyq. Jüie būzylǧan joq. Sol jüienıŋ bır top adamyn - Nazarbaevqa jaqyn adamdaryn memleket jäne bilık ūstap berıp, solarǧa qysym jasap, solar qaitaryp jatyr dep basqalarynyŋ bärı qūtylyp kete ma? degen qorqynyş bar… Osylardyŋ barlyǧyn nege teksermeidı?" dep pıkır bıldırgen edı. "Ekınşı Respublika", "Ädılettı Qazaqstan" qūramyz desek, Nazarbaev arqyly baiyp, qazır "eşnärse bolmaǧandai" küi tanytyp jürgen memlekettık qyzmetkerlerdıŋ bärın tekserısten ötkızıp, qyzmetten dereu bosatu kerek-aq.

"Adyrna" ūlttyq portaly 

 
Pıkırler